A Hidden Gem (Fate Series#3)

Chapter 32

"Are you sure you're okay, Nami? You don't feel dizzy or anything?"

Nagising ako sa realidad at napatingin kay Rachel na tinitignan na ako na may pag-aalala. Nakabalik na ulit ako sa table namin pagkatapos nung maliit aksidente kanina.

Binigyan ako ni Thomas ng isang basong tubig bago umupo sa tabi ko.

"Huh? Ahh, oo, okay lang ako. Thank you." Ngumiti ako nang tipid at napatingin sa labas ng restaurant kung saakin nakikita namin si Kim at yung Gino Dela Vega na nag-uusap, "Pero, kilala niyo ba kung sino yun?"

Lahat sila tinignan din yung tinitignan ko. Nakita ko naman sa peripheral view ko na nagkatinginan silang lahat na parang nag-uusap sila na hindi ko maintindihan gamit ang mga tinginan nila.

"Oo," direktang sagot ni Ava kaya napatingin kaming lahat sakanya, "He's my and Mackey's childhood friend."

"Ahh. Pero bakit parang kilala din ni Kim? Friend niya rin?" Tanong ko at tumingin ulit sa direksyon nila na parang nagtatalo na sila, "O jowa niya?"

Biglang tumawa nang malakas si Kenzo at yung iba naman ay nagpigil nang tawa. Ano naman nakakatawa dun?

"Baka mag-end of the world ng wala sa oras, Nami hahahaha," tumawa si Mackey na may kasama pang iling.

"Kahit nga ata sila nalang ang natitirang tao sa mundo, hindi pa rin nila papatulan ang isa't isa eh," natatawang sabi ni Edwin tsaka ininom yung juice niya.

Bago pa man ako makapagtanong ulit ay bumalik na si Kim sa tabi ko, nakita namin yung Gino na umalis na rin palayo dito sa restaurant. 

"Kim, jowa mo raw ba yung kausap mo kanina?" Natatawang tanong ni Mia tsaka ako tinuro. 

"Gago! Kadiri ah. Hindi ko nga alam kung anong nakikita ng mga babae na jowable daw dun sa lalaking yun eh," sabi ni Kim at nag-aktong kinilabutan pa. 

"Gwapo naman yun ah at mukhang mabait. Tsaka sabi nga nila, the more you hate the more you love," seryosong sabi ko. 

"Eh kung ganun lang naman yung case, edi sana magjowa na si Kim at Kenzo," sabi ni Rach. 

"Yuck!" Nag-make face si Kim kay Kenzo. 

"Mandiri ka nga!" Kinilabutan pa si Kenzo sa narinig. 

"Geez, 'wag niyo naman masyadong ipahalata na love niyo ang isa't isa," sarkastikong sabi ni Ava at lahat kami natawa except kila Kim at Kenzo na napairap nalang. 

After naming kumain ay naglakad lakad muna kami para magpagpag ng mga kinain at nagpicture picture na rin bago umakyat sa kwarto. Napagdesisyonan nung iba saamin na mag-night swimming habang yung iba naman ay nagpaiwan sa kwarto dahil matutulog na lang muna raw sila. 

"I thought you're going to swim?"

Napalingon ako sa biglang nagsalita at nakita si Thomas na papalapit saakin habang nakasuksok yung dalawang kamay niya magkabilang pockets ng shorts niya.