مساء الود والحب
___&&&
..
بشيره...
هو اسم،،، بشرئ،،،
اني بشيره الكل يصيحون عليه هذا الاسم
السبب
بحرب ايران...
ابوي راح للجبهه وبقئ أشهر
لان معركه... امي حامل بيه..
واكثر الوي ابوي تأسرو كتيبتهم كلها
وبيهم الاستشهد.. واكو من الانفقد والمات بارض الحرام..
أيسوا أجدادي وعمامي
من رجعته
وقبل لا تجيب امي بيومين اجه خبر من واحد اجه لبيت جدي گال رزاق موجود
وراح يجي ما ميت ولا متأسر
امي مدري من الهبطه او الفرحه طلگت بيه
واجيت للدنيا سماني جدي بشرئ لان بشروه بجيه ابنه الي هو ابوي
وهنا اجه اسم بشرئ
اما ليش الاسم تصغر.
اغنيه ل سعدون جابر. يا بشيره
عمي يحب سعدون جابر
واغانيه
ومن اجيت للدنيا..
عمي ما يسميني بشرئ
علم الكل ع بشيره
ومشى هذا الاسم رغم ما احبه
لكن محد يعرف اسم بشرئ
من اجيت للدنيا عندي اخ أصغر مني
لكن
بقت امي بعد رجوع ابوي 4سنوات مصار عدها أطفال ف صرت اني مثل الولد يدزوني للمحل للسوگ لأي مكان بحتاجون بيه شي واخوي عمره 5واني عمري 9سنوات
والبيت الساكنين بيه هو عباره عن مدخل ضيق مترين
وبعدها تجي ساحه. جبيره
مكشوفه بلا سگف وداير مدايرها الغرف
وكل غرفه لواحد من عمامي
اما الاستقبال هي ببدايه البيت وبيها كعده جدي ونومه وهي للضيوف والساحه سنين واني اشوف..
كرويته خشب مقابل باب البيت تكعد عليها حبوبتي
وبيدها سبحتها وع حضنها واحد من أطفال عمامي هي اداريهم اذا امهاتهم تلتهي بشغل. توكل وتنيمهم. ونوبات
تنعي بصوتها الجهوري الحنين الي اكثر الاوقات عمتي علياء تگابلها وتبقى تبجي
ع زوجها المفقود
بلبسها الأسود من يوم الراح وحتى الربطه تنزلها ع عيونها وما اتذكر تطلع من البيت
وحبوبتي الداگه ع ايدها ووحواجبها واكثر مكانات بجسمها
ومحليها هي بيضه
وجدي جان من يجي للساحه يبقون يتناگرون وواحد يحجي ع الثاني وعياط
لكن الغريب اشوفهم هيج واكول بعد واحد ما يشوف الأخ ع الصراط المستقيم
بس جدتي من تبجي يجي ويبقى يمها
ويبقى يسكت بيها ع طريقته
يجمع الجهال وتعالو جيتو ع جدتكم
يلا افترو عليها وهي تبقى تضرب بيهم بالعوجيه
وهو بعدها يبوسها براسها ويكللها
شكريتي
ام الشكر
هي اسمها شكريه. ويدلعها. وتبقى تضحك
سمعت صوت عمي كريم زوجته فريال بنت الخياط مال الرجال بالسوگ
وعمي اولاده
سهاد.. أصغر مني ب سنتين
