سنين عذبنه الصبر_
(المايعرفك مايثمنك)
واليثمنك ...هم يبيعك
واليبيعك..لاتأمن يشتريك
عيش مثل الشمس وحدك
تحرگ بروحك ولكن...
تفتر الدنيا وتجيك...
مساء الورد والياسمين 🌹🌹
_----بشيره بقلم زهره الرمان
همه يسولفون وانه اتنقل بكلامهم لعيونهم وشراح يقررون
وابوي من فجر هلقنبله منطي كلمه
جدو وكف..
_بأي شور ورأي اطيت الكلمه
كلت النه
زين حجيت وي صاحبه الشأن
_يابه بشهادتك وشهاده الولد ما يتعيبون شنو نوكف بنصيب بنيه باجر ما تجي قسمه احسن
وانه گلبي لاجمني من سوالف البنات
كافي الصار بينه
=شتقصد
_شقصد بويه تره من حقي اخاف ع بنتي انته طالع وشايف الناس تره تبدلت وكولشي تغير
وربك احنه بغابه ومحد يرحم احد..
والبنيه مهما تكبر وتصير تصون نفسها يم رجال زين
ولا تكول احنه
احنه صح بس هاي دنيا اليوم مو ببالها زواج وارتباط
اثق ببنتي بس ما اثق بالناس
يمي وانه يوميه ادعي الله يسترنه
مو انوب بغداد
بغداد بويه جبيره وناسها يختلفون عنه
ما اريد بشيره تتغير
_شوف لو طلع الها شي غير الطب
جان كلنه تغير بأقل من قبول وهي البنيه تكمز تكول بس نجاح اريد وما فد يوم كالت اريد اصير هيج
اجتها هاي القبول. مانعرف يجوز تعبت روحها لو صاحباتها خلنها تحب الدراسه
بعد الله اعلم راد الله يغير قدرها
وتلميحك بعد ابوك مو بمحله
سهاد لو اشوف بالها بالدراسه اخلي خيمه باب المدرسه وانطرها
لكن البنيه ما تقرأ ولا تحب المدرسه
ومع هذا شاهين كلما يكله كريم بطلها
ما يقبل يريدها تكمل
كوه...
وهم اعلمك بعد ابوك انه اليوم بينكم
باجر جوا الكاع اسمعها مني احسن ما الدنيا تسمعك بوجع..
البنيه اذا رادت تسوي الشين
ما يلزمها القفص والقفاله
والتريد تحافظ ع روحها
. بوسط جيش تبقى الكحيله
وترفع الراس
انه ما ازامط هيج بلا عرفه
علمتني الدنيا والدوواوين.
وبس اشوف البشر اعرف شنو
براسه وشنو ثوبه
بتك گلبها وعقلها نضيف
والحافظ الله
والا لو راد الله انه الفضيحه
ما كعد كريم بذيج الليله وره بته
وستر بته
ولا لحگه ناطق وستر اخوه
