انت الحلو لاتضن اكو مثلك_44_
تلجم جروحي واكول بطولي حلاته من يبرا.
ومن هضم الشماته لليوم فاله بالدلال. حجيهم ما برا
واكول الوادم ماتعرفه بالضيج حد كطع النفس وابره
وانه بلامه الناس وك هذا لا بوك ولا امك وهيج تبرا
وانه عيني ماتصد الا بزينه بتل الشين السواه اليه
مساء الورد والياسمين 🌹🌹
____------بشيره بقلم زهره الرمان
،،، الجد:اجي من الفجر بس اول مره كولي شصاير
_بشيره: جدو مصار بس المواد صعبه
والطلاب مامرتاحه وياهم
_الجد: سدى التلفون وباجر لاتروحين للدوام
وانه اخابرج باجر هسه اكلي نامي ولاتفكرين بشي مالج لازم
_بشيره :وصدك نمت نومه طويله لكن غريب محد من البنات اجه.او فتح الباب فزيت
الغرفه ظلمه وواضح الدنيا ليل
واني اصلا الفون غلقته من نمت
كعدت بالصاله الفوك اكو حمام هو الطابق كوله مجهز حمام ومخزن يم الحمام بيه غساله لملابسنه
وحت طباخ منضدي وثلاجه
كولهن للبنات
فتت غسلت وصحصحت
وتذكرت عدنه درس هذا باجر مقرر نروح ندرسه ونحضرله هو بالمجهر والأكثر معقد بيه الاستاذ بيه عبالك يريد ينتقم منه. كلما يحجي وكال هالسنه للنايمين للضهر صارت القبولات. كرهنا بالماده
يطلع الكل متنرفز
ويبقى يدقق بالسؤال للطالب يخليه
من كثر الدقه يخربط
كلما يفوت ادعي ما اخلي حت العلويه صديقه حبوبه ادعي باسمها. بس لا ينتبه عليه ويگومني
والحمد لله اني يمكن اقصر وأنعم وحده بالقاعه
ياربي شلون جدو كال لاتروحين وهو اليغيب يحسبها عبالك مسأله شخصيه يبقى متعاند وياه. بعدني هيج وخدرت جاي اشوف شكو بالثلاجه
واجت تقى
_تقئ :صح النوم يمعوده كل هذا نوم بلا غدا من 3لهسه
_بشيره :والله يا تقوه تعبانه اليوم
_تقئ :يلا يلا انزلي ابوي يريدج
_بشيره: بيدي باكيت مال جبن
فهيت شكو شيريد ابوج
_تقئ :هههه يا شبيج قابل حياخذ روحج كال كولي ل بشرى أريدها
_بشيره: "نزلت لكيت الحجيه يمها شباب لكن لهسه مامتعرفه ع ولد ابو هيثم
بس بيت ابو رشيد حتى ولدهم شايفه بس حسام ومازن ووائل ابن ابو هيثم
لكن اليوم شفتهم هواي
كلت اللهم صل وسلم على نبينا محمد وعلى آله محمد. بسم الله ماشاء الله بصوت ناصي
هاي كلمه حبوبه علمود ما ينحسد او ينظر احد من العين. ضحكت تقئ
_تقئ :وج هاي شنو
_بشيره: شكو سميت وصليت
من شفت هاي اللمه
