#نبعه الريحان
إن يرحل انسان فإن مكانه ومكانته بأثر عمله ترحل الأجساد
وتبقى الأرواح تدور بين اروقه المكان ____=____
مساء الورد والياسمين 🌹🌹
..... __بقلم زهره الرمان
بقت روح عمه ازهار موجوده بذكريات جميله الها
وتنذكر بخير
والأكثر تركت طفله قطعه منها
والايام الاجت عمو ناطق
شبه ميت
... واكله ونومه وكلامه قليل
اكثر اوقات يقضيها مگابل الطفله
وساعه يبجي وساعه يشيلها
ولنتعلم.. لاتظلم حتى لاتجد وقت ان تطلب السماح ممن ظلمته. لكي يبقى محكمه الضمير
تشنق الغفران ب رحيل المظلوم
ويضل مسجون بزنزانه الروح...
أما اني... السوته فريال زرعت بعقل حبوبه وأهلي كولهم اني اتخيل واتوهم
والبيت المسكون يجوز بيه جن واني دايسه
ولهذا بقت تتصيد اليه شنو اسوي تشكك بيه
لكن نوال وفريال ع طول يتعاركن ومن سوت وياي هيج
وخاصه جدو يكول لحبوبه وديها تقرأ عليها العلويه
يعني محد صدكني وصدكوا عمه فريال
رجعت اداوم لان غبنه بالفاتحه
وروحتي ورجعتي وي سهاد وسامر ووليد
وردت فرصه حتى اكمش سهاد واسألها شوكت اني ابجي واضحك لان تهمتني كدام اهلي
بالفرصه شفتها بالساحه رحت
_تعالي اريدج
_شتريدين
_من تجين تعرفين
احذتها يم المغاسل
شوكت شفتيني ابجي واضحك وشوكت اني رايده اشمر نفسي من السطح
_بشيره ولي
مالي خلگ
_سحبتها من ايدها
احجي سهيده ليش جذبتي
_ولي تره والله اعيط
_والله واذا عيطتي
تولين وتكولين جذبت
والا والله اموتج
_اي خوش
رجعنا للبيت ودخلت ابدل
و
للعصر رحت شريت ملابس لماما
صعدت وراي سهاد
وكفت تباوع بوجهي وتضحك
شويه نزلت بعدني ع الدرج
واسمعها تصرخ سهاد رجعت عبالي بيها شي
وصلت يمها لكيتها ثوبها مشكوك
وشعرها مخربط وتعيط حيل
واشوف عمه فريال وراي وتعيط الله اكبر شبيج تخبلتي
الله اكبر
وع صوتها صعد عمو كريم
وسأل. سهاد كالتله
_بابا اني صعدت فوك شفت بشيره تضحك وتسولف وي نفسها تقربت منها سألتها شبيج
كمشتني وملختني وضربتني ولوما ماما جان لسه تضرب بيه
