#جاوبني تدري الوكت
ألمـا يجـر #حـسره بحياتـه
لا يسولـف ع #العشـگ
ألمـا عـاش فـرگـة #محب
هـذا مـا #عاشــک_صــدگ.
مساء الورد والياسمين 🌹🌹🌹
___-------------بشيره بقلم زهره الرمان
كريم......
وكفت كبال المرايا اول مره انتبه ع شكلي وملامحي
دوم ع گد ما امشط شعري وما انتبه
مسؤليه الاولاد والأحداث المرت بحياتي كفيله تهزم اي بصيص امل بأن اصير حالي حال الناس
عائله وارتاح
قدري هيج
والزادني هم وقهر بنتي.
سهاد عنوديه وماخذه كل طبايع امها شكله نسخه مني
وحلوه لكن جمالها مخربته بخباثتها وحقدها وغيرتها. كلهن صفات فريال ووياهن صفه الانتقام الي تزرع بيها صارت نسخه منها بالبيت حاولت اغير طباعها اغير كولشي بيها. لكن صعب يوميه مشكله
وبعد الصار وبديت اكثز الأوقات اجيبها وارجعها. دائما اشوف ليلى مدرسه الاسلاميه
اول ايام تتحاشئ النضر اليه لان فشلانه من موقف ابن عمها. لكن اني بقيت بفضول او حبيت اعرف
شنو سوا ابن عمها
وكفت انتضر البنات وطلعت تسولف وي طالبات بباب المدرسه
راحن واني اجيت اسلم عليها
ردت السلام لكن رافعه حاجبها وهي ملامحها عاديه لكن من تقربت لاحضت الغمازة البخدودها
ودوره وجهه حلوه
والأكثر انتبهت ع اديها الناعمه
بديت اسئلها عن ابن عمها
_حبيت اسالج هذا ابن عمج خوما سوا مشكله الج او ألف قصه
_وانته شعليك
_شبيج لان بسببي كلت اخاف الفله قصه.
-لا اطمأن معليك انته احنه كرايب اليوم نتعارك باجر نتصالح
. _زين زين براحتج ع كيفج شبيج
_مرخصتك
ايام واني اشوفها نوبات ونوبات لا
رحت اخر يوم الامتحانات ل بشيره
حتى ارجعها
كالت اليوم وداع بين صديقاتها
تركتها لان بشيره شاطره
رحت ع ماجد زوج علاهن
وجان رايد يشتري سياره واني دا روح وياه اساعده لان اعرف بالسيارات
وطلعنا اني وهو
لصديقه صاحب السياره
واتفق عليها ومنتظرين مالك السياره نعرف مكانه حت يحول السياره باسمه
طلعنه للعنوان وويانه ابو السياره
دك الباب وطلع
شاب بالثلاثين وهو صاحب السياره
تعرفنا عليه وكذا وشويه ودخل رجال كبير بالعمر اب هذا الشاب
سلم وكعد
بعدها بقليل استاذنه من بعد ما
اتفق ماجد وي الولد ع يوم التحويل
وطلعنا بالكراج وابوه يسولف ويسأل من اي عشيره من يا عمام
وكذا وانفتح الباب فاتت مره
من سحبت سيم الباب يعني من اهل البيت
فاتت صار وجهي بوجهه
غريبه الصدف
والاقدار ان تكتب ونحن نمشي بخطاها
ليلى هي الفاتت
وهذا بيتهم
هي اكيد ما عرفت تصرف الا دنكت بعد النضره الصارت بعيني
وفاتت
ماعرف شعور اني ببيتهم
حسسني بشي حلو
ابتسمت وطلعنا
سولفت ل ماجد من بعد ما رجعنا
لبيته طول الطريق اكل گلبي يريد يسمع كل تفصيله. وفرحان
