عافت عيوني النوم
أبشرك خلصوا مابقوا عندي هواي
كل المشتريهم رخصوا بيه
أصافحهم واحس باطراف اديهم غيض
كاتل منهم ومادافع الديه
بسد بوساتهم دفنوا شكَد أنياب
واكَول يجوز جانت عن حسّن نيه
مساء الورد والياسمين 🌹🌹🌹
-------__________بشيره بقلم زهره الرمان
_نورا.. من يوم الگيت الأوراق بباب غرفه ازهار الله يرحمها
واني بقى شغلي الشاغل ارقب ب فريال لان نوال اشوفه بيد فريال هي توجهه وهي اكثر الأوقات ساكته
بطبيعه الحال نعيم ونوال هدوء ما نسمع الهم صوت
لكن من فريال تصير يم نوال نسمع عياطهن وبجي وحتى تضربها فريال
لكن ما يدخلن احد بينهم ابد..
تقربت من ام سامر فقيره وولا كأن هيه الجبيره او زوجه الجبير
تتقنع بكلمه وما تعرف غير تنظيف وخبز وغسل هدوم
وما تحجي اذا وحده تشتغل اولا
هي تكمل وراهن
فانقهر عليها لان زوجه عصبي وهي ما ادافع ع روحها ابد او تتشكئ بحيث يضربها ويأذيها ومن يلتحق جنها اول مره تفارگه تبقى تبجي عليه وما تقبل احد يحجي عليه
حبها مو طبيعي لكن ما تهتم بنفسها ابد
بديت اتقربلها خيطتلها ثوب نوم وعرفت الالون اليلوگن عليها وگصيت شعرها ورتبته
وحفافه هم حفيتها وعلمتها شون تمكيج
بنزول ابو سامر
بقت تتقربلي لان فرحت بالتغيير
وشلت وياها مسؤليه البيت إذا تخبز اني اطبخ
وبالعكس والتنظيف اني بقيت انظف متقصده لان اخاف من فريال
لكن تقربي لام سامر ما عجب فريال بدت الغيره. وتدخل وتطلع للمطبخ وتبسمر
و تكول الله يثخن لبنكم
واغلس
ومن يجي ناطق تشيط
يعني اجه مره للمطبخ واني اگلي
وهو ياخذ وياكل
ويتشاقئ
ويوكل بنداوي. فاتت عيونها نطت من يتشاقئ وياي
قبلها جان مبتعد مني
ولا يسولف ابد
بس صار فتره قليله هيج بدا بتقربلي
ويضحك ويتشاقئ وعمتي دومها اسمعها توصيه عليه
فتت مره
وسمعتها
_'يمه حقوق الله مو بس بالفراش بعد امك
بسالفه بضحكه وكلمه حلوه
بتشجيع من تسوي شي زين
شنو جايه خدامه بس غير تريد تفرحك المره من تسوي هيج تريد رجلها يشوف ولأن تحبه وتريد خاطره
آنه المره العجوز
ومن ابوك ما يضحكني لو يسولف وياي اضوج
جا هاي البنيه التوها جايه للدنيا شوكت بعد تفرح وتسمع كلمه حلوه
من سمعت هيج شكد حبيتها وكلت لأجلها هي وعمي عمي هم رويحه حلال
وطيب ونفسه حلوه
وولا يكوم ويكعد من اناوشه مي يدعيلي
كومه لو اسوي شي ل نداوي يجي ويبوس راسي
