انت العله وانت دوايه
#علمنيٍ مِنْ احتاجَ ألك َ...اگدراعيشْ أبلياكٓ
#وعلمنيٌ منٌ اشتاگ ألك ...أصبرٌ أتحملٍ فرگاكَ
#وعلمنـيٌ منٰ تبعدّ صدگُ ...مِنَ گلبيٍ أگولْ الله وَيَاكَ
مساء الورد والياسمين
----__------------___بشيره....
بقلم __زهره الرمان
صوت ام غايب بالحوش خلا الكل يطلع
حبوبه عاطت
الحگ ابو رزاق
وجدو صاح ع عمو نعيم ولك بويه وياي اركض
عمو نعيم
بقى يحجي
بويه لا تبلونه وي العشاير
لكن جدو التفتله
ظل بمكانك المصايب التجي خليه اليه واذا نحل رگبه البت
هلا بهيج مصايب ولكم
حلال حرام
_بويه يجوز فحصها اخوها ولگاها مسويه مكسوره
_ آنه اظل اسولف وياك لما تروح البت _
ركض جدو وحبوبه تلبس بالعبايه
واني ادور ع نعالي ماكو اريد الحگهم
ملگيت النعال
شفت شحاطه عمو ناطق لبستها
ركضت شويه بعدني بالباب وعمو ناطق عاط وراي تعالي ولج
_هاا عمو
_جيبي اول مره الشحاطه
ووين رايحه
_عمو حبوبه كالت تعالي وراي البنيه خاف تحتاج شي
_"ولج بشيره تجذبين عيني عينك
. _"عمو بداعه نداوي خل اروح
_فوتي جوه لااذبحج انتي
راح عمو وراهم
وشفت عمو
يركض وراهم
ركضت لبيت جدو ابو جابر
حافيه ردت اشوف عربيد
كالت مرت ابو المصايب ما موجود
كلت خل اركض وراهم
ركضت حافيه
وصلت لبستان برهان
هذا البستان كان مالكه رجال وعنده ولد هواي... وهاجروا
للخارج. وهو راح وراهم
وخله حارس بيه
هو وعائلته
لكن موصي اليعبر البستان محولل
ياكل وياخذ منه
وقريب عليه الشط
حلو لكن بعيد عن الولايه
لحكت شفت ام غايب وصلت يمها وفحططت
وهي تبجي وتدعي وما منتبها اني امشي وياها
ورجليه توجعني من الحصو والوصاخه مال الشارع لكن اتحمل بس ردت اشوف شنو يصير ام غايب تدعي واني اعيد وياها
وصلنا لكن خفت من عمو ناطق لا يشوفني بقيت وره شجره مال تين
وبقيت اراقب
اخو هاي البنيه الجنه ثور كامشها
وواكف يم النهر وتفاجأت عربيد صاير بوجهه
يعني واصل گبل جدو
وجدو حجه
_ولك بويه شماالك
_حجي مالك دخل
_وروح ابوي اذا انطخت
ما اخليك تمشي ع رجليك
ولك اصبر وديتها للطبيبه
