جنت انه خالي البالﻻتكلي شبيك من اصفن عليك...وسرك بكلبي اليحبك دافنة.....
عاصفة الدنيا ومطر مجنونة بيك...
ومن ضحكت الدنيا ضلت صافنة....مساء الورد والياسمين 🌹🌹🌹
كريم.......
زواجي رغم مو اول مره لكن بوجود اهلي وخاصه علاهن....
فرحوني
ومن يوم دخلت ليلى حياتي
حبيت وجودها وتفهمها بأيام الخطوبه
واني سولفتلها أدق التفاصيل بما ان هي ناضجه كلت راح تحتوي أولادي رغم متخوف من تصرفات سهاد واعرفها تغار لان تعتقد تزوجت واكو من الاخذت مكان امهاووصيت ليلى سولفتلها وردها ريحني
من كالت احنه نتجازئ بيناته معليكاول ايام العرس احلى ما يكون عشت ايام ابد مكنت اتوقع رح اعيشهم
بعدها داومت ومن رجعت اول نزول عزمنه اهل ليلى نزور اهلي اني وياها اني اراقب بصراحه الثقه شي والخوف من كولشي شي ثاني
اخاف من سهاد ورعونيتهاوهم ردت اراقب اشوف تصرفات ليلى من تكون وحدها وياهم حتى يطمأن گلبي عليهم مهما يكون زوجه اب
و ذوله تاذو هواياول ايام الاحظ ليلى تعيف المواعين ع السنك او الملابس يم الغساله
كلت مو أشكال بعدها عروس فاتت عشر ايام نطيتها حق
حتى ثالث يوم. العرس اجت علاهن والبنات نسوان اخوتي وكرايب
علاهن تتلفت واعرفها لاحظت هوسه
لكن سكتت لان عروس
اخلي سهاد تغسل المواعين ولو اعرف سهاد عجوزيه
وتنام للضهر
لكن ما حبيت أبين لليلى
داومت ورجعت
نفس الشيسكتت كملت العزيمه وامي انطت گداري ل سهاد كالت هذا غدا باجر
ثاني يوم اجيت لگيته ع الطباخ ع حطه ايد سهاد وبيه ريحه
_لوله.. حبيبتي هذا الاكل حرامات لو ضامته بالمجمده بالفريزر
_لا يمعود ع شنو يبات من ياكله
_اها يلا براحتج
بديت اعبر رغم اكثر أوقاتها تخابر ع أخواتها وصديقاتها وخاصه من نكون سوا
احاول ادمجها وياي وكذا اسولفلها عن داومي اوشي
لكن اشوفها لا أبالي
رغم هي هادئه جدا
لكن هدوء سلبياستمر الوضع وداومت هالمره وتأخرت 10ايام اتصل اسأل عليهم واوصي ب وليد
انت رجال البيت ولا تطلع ودير بالك ع اخواتك وخالتك
اعرف وليد زين نبه وابوي ميتركهم دوم يمهم وحت نسوان اخوتي يجون الهم وعلاهناجيت وحبيت اسويها مفاجأه هالمره اجتني زياده بالراتب كلت أخذهم سفره
تأخرت حتى اخذ كم يوم زياده اطلعهم ونسوي سفرهرجعت تقريبا ب 12 الضهر وهاي الايام بدا الدوام لكن صادف جمعه
باب البيت ينفتح بيه سيم
والداخلي بيه باب خشب وسيم من الحشرات يم باب الحديد
تقربت فتحت الباب السيم
واباوع عبير بالكاع وتبجي
شبيهآ
دكيت الباب اجت فتحت الباب