#بياع من يشتري حلمي ومواويلي
انه الما يدري
وين الشوگ وداه
انه المتروس ناس
ومحد وياه .♥️
مساء الورد والياسمين 🌹🌹
_____--------بشيره بقلم زهره الرمان
آنه المتعوب ولا مره عرفت الراحه...
كلمات رددها عمو كريم بعد ما ملخ سهاد
ووكع بنص الحوش ولا گدر احد يفتح ايده منها....
عمو بعصبيته ويركض ع سهاد ويعيطون شبيهآ شسوت
_ولكم اكوللل طفله بنتي
اگول تربات ايدي
عجز لساني ع التعليم والنصح بس لا متوارثه بدمها الجيفه
جدو بقى يعيط هيد واحجي
_بوووووويه مصيبه وطاحت ع راس كريم.
فاتحه دكم القميص وتضحك وتعلج ووراها واحد مهتلف
يسولف وياها ووياه واحد وهي وياها وحده مبينه بنت شارع
ولا كأن بنتي
كل مكان ب سهاد ازرگ صار
من قهرته يكمشها ويكوللهم بس خلوني اسألها ما اسوي شيء
يكمشها ويعيد
لييش بشنو قصرت
لييييش تسوين هيج شلون تقبلين الشباب تفتر وراج ولج بتمن انتي بتمن
ويهز براسها ويضربها ويوخرو ويرجع يسأل ويعيط
. اني شبعت بجي من الخوف والقهر ع عمو
يرجف كوله
وآخرها ناطق
كمشها سحبها وضربها راشدي واشر ال نورا تفوتها للغرفه
فاتت وعمو يعيط وراه جيييبها اليوم اموتها
حبوبه تتوسل بعمو يهدأ لان فحط
ولكم اخوكم راح يموت من وره بنت فريله
شكول عليج فريله
. وعمو ناطق اخذ عمو كريم ويغسل بيه ويكوله مصار شي أهدأ لان خاف عليه
رجع وكف ووجهه مليان مي
وبدأ يعيط. لحد يخليني اشوفها اموتها والقرآن واحسب الله ما خالقها
ايام عشت برعب وكأن اني مسويه المصيبه. بليل وجدو
صاحني
_شوفي جدي انه مأمن بيج
معتبرج اكبر احفادي ولد مو بنيه
لذلك اريدج تحمين نفسج
وهذا واجبي اعلمج
ديري بالج ع روحج جدي
_جدو أمن تره اعرف وحبوبه ماقصرت خلتني اعرف حقي وواجبي أأمن
وراها اخذتني امي وبقت تحجي بنصائح
وآخرها كالت
_ديري بالج ع نفسج تره يبطلونج ويطيحون حضج
انقهرت..
گدرتي تنصحيني هسه هسه يلا تذكرتي يمه من خفتي
واتنصحيني تخوفيني يبطلوني
شمسويه اني ما سويت شيء ولا رح اسوي بس لا تبقين تخوفيني
اجيت وكلتلكم سهاد ووياها واحد
ركضت وخلت ايدها ع حلگي.
اششش بس يسمعونج يكولون تعرف
وتضملها
_لعد تهدديني يبطلوني من المدرسه واني شنو مسويه
وكفت وركض لغرفه حبوبه اكثر مكان اشرد بيه مقابل الحايط واعيد بالمواقف وابجي
...
داومت ودزت المديره عليه
