#العين موجه بحر
آنه الما عرض للناس وجهين
ولا ذاك الترجه الچان ما چان
لون بيه تشب النار صـوبين
أموت وما أصيح المــاي يفلان
.
.
مساء الورد والياسمين 🌹🌹
___-------بشيره بقلم زهره الرمان
حزن ينسيه فرح
وحب ينسيه حب
هكذا هي الحياهـ
نورا...
ناطق بدأ وياي حياه جديده حياه
مكنت أتصور اشوفه بيوم هيج يتغير
يخاف عليه صار ويحسب كل حرف من يحجي وياي
واني اي تصرف حلو منه اقابله باضعاف من تصرفاتي الترضيه وال اتمنى اسعده
فأجئني من طلع دفتري وبدأ يقرأ وخجلني اركض وراه بس يعيفه لكن هو يقرأ ويضحك بفرح
و القطعه القماش الطرزت بيها اسمه هم لكيتها جوا مخدته
لكن اكيد الحيآه مو كولها بفرح لازم اكو لحضات اصير مشاحنات خفيفه او كلمات تجرح
مثل ما صار من سمعو ب نوال حاركه نفسها
هو يتناقش وي اخوته. وبعفويه حجا
_
عساها بالحرك موتت زهرتي وخلتني اني وبنتها يتامى
_ما انكر اذا اكول حقه وزوجته وما مسموح انو الواحد يصير اناني لكن مو بيدي حسيت اني مالي اهميه
. وسكتت وما حسسته لكن وره يومين
بقى يحلف بيه لويش ضايجه وما صدك من تأثير الحمل
وبدأ يحجي ويستفزني
_ ف كال مره لاتروحين لاهلج لحد ما اروح اضوج وحدي
فإني جاوبته انته بكل الأحوال مثل اليتيم. هو فهم لكن صار عصبي وطلع واجه بليل كال حضري جنطتي اروح
وزعلان بقيت يومين ضايجه لان راح وهو زعلان تندمت هيج كوتله
من رجع حاولت اسولف وياه او اتقرب اله لكن هو شايل بگلبه
الا ضوجني بالامبالاه
و يسولف وي امه ويطلب من بشيره اذا راد شيء
دخل للغرفه راد ابوه منه فلوس للعشيره جنت بالمطبخ اول ما فات نشفت ايدي وصحت ع بشيره
حبابه اوكفي اشطفي المواعين
_ياربي صالحهم همه يتزاعلون وبشيره
تبتلي وابقى التهي بيهم
_شبيج بشيره شطلبت منج
_يابه روحي هيثم يوسف لا يزعل
_فتت للغرفه وهو يم الزاويه يطلع بالفلوس سمعني من دخلت لكن ما اهتم وصلت يمه
ناطق
ناطق
ناطق
_شتردين من صاخم شكلتي
_لويش ما ترد لعد
_ما يعجبني ماريد اجاوب
_كعدت ع الجربايه... اريد اروح لاهلي لكن بداخلي ما اريد اروح اريد استفزه لان يضوج يكول تروحين يستغلنج نسوان اخوج وانتي حامل اخاف عليج
_هااا اشتاقيتي لكرابهن
_ضجت من رده... تعيرني يعني. ووكفت ردت اطلع لكن دمعتي بطرف عيني
_تعاالي
تعاالي
=بقيت واكفه وضهري اله
_تره هاي تصرفات ما تلوك لمره مال زعاطيط تعالي
_هيج بنضرك
