#عشك مو بالشكل ياحبيبه واللون چثيره خدود بيضا وگلوبهم سود
أنت شَمعة وانه صاير بيك خيط
أنت صح تذوب بس أنه أحترگ
مساء الورد 🌹🌹🌹
المنظر مفزع. جابر راسه مطشر
طلقتين وحده براسه والثانيه قريبه ع كتفه
ع صرخه من البيت وأهله والناس الحوالينه
صراخ حبوبه ام جابر وجدو ابو جابر
حاضنه ويعيط
ومليان دم
الناس الموجودين يردون ياخذونه للمستشفى لكن هو يعيط وفاقد
وعمامي وجدو ع نفس الصرخه
ركض عمو ناطق بالشارع يدور اول ما صارت الطلقات
شويه وسحبوا جابر للمستشفى رغم عرفوه ميت
حركوا السيارت واحنه نتصارخ ونتلاطم
نبأ منظرهه يهد الحيل تصرخ وتريد بس توصل لأبوها
سحبتها لان ام نبأ هم من ملاخ نفسها متعرف حت ملابسه اي شي ع راسها وكولنا حفايا وبلا ربطات
لحد ما عاط عمو ناطق الكل راحو بس عمو ناطق بقى يفتر بالشارع حافي ومثل المخبل منظر كل واحد منه يصدم من منظر جابر
فوتنه عمو وبدو باللطم لكن اني وعيت ع نبأ تصرخ فرفحت
اخذتها لبيتنه والكل ببيت جدو ابو جابر
بعدني بالممر وسمعت عيطه شاهين
تگطع الگلب وهو يعيط
ولك ودعتني اجيتني البارحه
ليش اجيت البارحه من دون الايام وتكولي سامحني
ولك انه ما سامحتك وكاعد بالشارع يجيب تراب ويخلي ع راسه
يهد الحيل منظره كولنه طلعنه
وعمو ناطق سحبه گوه وبقي يشاوره
وسكته ويعيط يااااا خويه ياابو حويدر
ولك ردت توكفلي تالي تكسر ضهري
إني اراقب بيه گلبي انمرد عليه كامشه نبأ
لكن شاهين وكف ع السريع مثل السمع خبر من ناطق وبقوا يتراكضون
فتت جوا اسكت باالجهال لكن كولساع
تجي عيطه من بيت جدو ابو جابر
وبس اني ونورا
بالبيت نورا حامل
والدوالي برجليها خطيه مأذياتها
فلازم اوكف بمكانها
اتصلت ع بنيه وياي كولتلها تاخذ محاضراتي
وره صلاه الضهر الشارع انملا بالبشر
ودخل ابوي بدل وعمامي فايتين طالعين
لكن ناطق وشاهين ما بينوا
آخرها اجه عمو كريم كال اقفلوا الباب وهناك روحن
لان جابر توفى ورح نكمل إجراءات المستشفى.. للعصر يلا جابو التابوت
رحنا لبيت جدو ابو جابر
حبوبه ام جابر تكسر الخاطر
يوم مر باتعس مايكون نسمع عياط جدو ابو جابر معاند ميقبل يودوه يدفنوه
الا اعرف الضربه
اخر شي جدو بقى يعيط ويهدأ بيه ساعه يسكته بهدوء وساعه يعيط لحد ما
قنعوه
وجدو كاله اني ملزوم اجيبلك كتاله
يلا سكت راحو العصر للدفن والبيت بس اللطم والعياط. المغرب واجو اهل بغداد
كرايبنه كولهم
اجت ام رشيد ووياها بناتها علا وتقئ
وولدهم
لكن اني ما طايقتها ولا تقربت يمها لأول مرة مكدرت أتجاوز او اسامح بقيت اساعد بالجهال
اجمعهم وأكثرهم يخافون من صوت العياط والبجي
