#شوگهم شوگ الحصاد اليتاني حضنات المناجل
وداعتك آخر قصيدة وياك هاي وماأأخرك
وافتهمتك وادري جانت غلطة مني
من ردت عالحب اجبرك
وهيه ابد مو منطقية
طول عمرك ماصرت فديوم الية
شبية خايف لا اخسرك ؟
وانة اعذرك
انت ماشايف حمل هم التفاصيل الزغيرة شگد يقهرك
صرت اخاف من الشوارع والاماكن والاغاني
البيها اذكرك
احسب لنسيانك وماانام اذا مو بالرسايل
و اكعد وليلية ادورك
لخاطرك زغرت روحي ، لمن گالوا مو بعمرك
وگوة چنت بعيني اكبرك
صح طفت نارك بگلبي ،بس بعد ماطافي جمرك !
شگد بعد يرادلي امشي بدرب نسيانك واعبرك
وانت ماعندك حبيبي وياي ذكرى
ولمن تنساني اعذرك
انه الموثق ابالي .. صور من كلشي بحياتك
صورة من يطير شعرك وصورة من يميل خصرك
الله شاهد حتى باقي براسي عطرك
ذني كلهن مو بالك
لا تحبني ولا تحب غيري الله مدري
شحاطلك يالخالي صدرك
تستلذ روحي بعذابك
وبرضاتي الليل من خلصته وحدي
والله ردت اتونس بأيام هجرك
اني اسف منك ومن القصيدة خاف اكملها وأأخرك
مساء الورد والياسمين 🌹🌹🌹
-------------بشيره بقلم زهره الرمان
اخباريه الاقتحام اجت من الامريكان وبنفوذ من ابو أنس ابو البنيه المخطوفه وي بشيره
شكد حاول مهند يبعدني... لكن عمي ابو رزاق فرض عليه اخر لحظه
كاله خاف تحتاجه خله يروح رغم يكول الامريكان ما يقبلون
طلعت وياه
.... وصلنا لبيت بمداهمه لاطراف بغداد
البلاغ عن شخص متنفذ بالدوله ابنه مخطوف وتبنئ العمليه الامريكان لان مصالحهم وي هذا الشخص
غير ابوانس وبلاغه
وصلنا وكان النيه شاب واذا وياه مخطوفين نحررهم
خلونه بمكان بعيد
وبدت الفرقه بالتمشيط
ساعه كامله لحد ما وصلو
لكو بس واحد ومو من المطلوبين الرئسيين لا واحد وياهم
واي مخطوف ماكو
خابت آمالنا وتعبنه من اخذوه للتحقيق
احنه رجعنا ب 8 بالليل
اتصلو ع مهند هذا معترف ع مكان وبيه مخطوفين
ف طلع طلعت وراه
_شاهين ارجع
_اعرف سمعت خبر خليني وياك اروح
_لا اذا اخذتك حت اني يرجعوني
خليني اروح واني اطمنكم
_لا مهند اروح وياك
_عيوني شاطن ومستعجل.. شبيك شاهين كتلك ابقى
_لالا اروح يعني اروح
_يعني عناد لو نلعب من يرجعونه وما نلحگ ع البنيه شنو فايده التسويه...
_التزمت بكلامي ياك الصبح وما تحركت بس مال ابقى هنا مستحيل ما اكدر
_باوعتله كلت يلحگني وتالي يخرب الأول والتالي اجت ببالي شغله
حركت السويج من حزامي يلا امشي
