تراضي عيني التراضيه
كلمن ساعته الوادم يگولون
بس ساعاتنه تبوگ من الايام !!
بچينه اعله المثلنه اگلوبهم بيض
العلى نياتهم بانين الاحلام
مساء الورد والياسمين 🌹🌹
بشيره بقلمي زهره الرمان .........
كريم طلعت واعرف بنتي عناديه
وزين لسه ما مشتكي منها
وصلت
.. لكيت خالتها رابطه ايد فريال وهاي سهاد لسانها الدلالات ما يلحگنها
وعرفان. هسه طالع
عطت بيها
لكن الغريب من شافتني فريال فهت وبقت تباوع بوجهي ربطتها ام عرفان واني سحبت سهاد للاستقبال
_ممكن تفهميني شبيج
_شبيه بويه عرفان خابرك وسواها صدك بسيطه
_لج ادب سزز وتالي وياج شنو بسيطه اكو زوجه محترمه هيج تحجي ع زوجها
ثم حقه لسانج الله يساعده عليج
فهميني شنو الخلا الولد يدز عليه
_بويه امي مريضه ومرضيها بالزايد
شلون اعيفها
وعرفان وخاله يردون ابقى رابطتها
يابه ما يهون عليه اربط بيها تكسر خاطري من تبقى تباوع بعيوني
شلون
وهي جسمها مليان حب
والبارحه جايبين ابر تريد خاله تضربها منومه
وهي من تضرب الابره تصبح لاتاكل ولا تشرب سحبتها حتى تصحى وتاكل ماكو جسمها شلون الخدران من الإبر وتعاركت وياهم ما يضربونها
لو اموت ما اخليهم يضربونها ابر
_ولج بويه امج مريضه وخطره وعندج. طفل انتي وكل هذا وبعدج نفسه
اهدي وأخذي الكلام الإبر الطبيب كاتبهم
_الطبيب هو مخبله بالزايد من الله لا يوفقه
بهاي الاثناء دخل عرفان ونفس الكلام وما تقبل لا يضربونها لَابر ولا يربطونها
غلط وعياط عليها كوه اقتنعت
وعرفان كال عمي اريد احجي وياك وحدنا مراد الحجي يم امه طلعت امه
وكعدنا وحدنا
_شبيك ابني
_عمي اني ما احب اتشكى ولا
اخذت سهاد برضى احد لا بقناعتي
ولا افرط بيها
. وولا انه ماعرف شلون احكمها. لكن سهاد مقفله عقلها
وتعاند لدرجه حتى لو تعرف هالشي خطأ وتعرف رح تتاذي هم تستمر
قبل جانت امي مو ويانه
ما اهتم تتجاوز توصل حت تغلط ما اهتم
لكن امي الحكمت عليها لا تطلع ولا تمشي ومشيت امي مثل ما اريد هم من تشوف سهاد هيج. تروح هيبتي
ومليت احبها وهي تتمادى. ولا هسه كاعد اتشكالك لان ما اكدرلها
لكن لا تزعل اذا أمد ايدي عليها. لأن نوبات افقد اذب حرگتي بالغراض
