#دنيانه ماترحم
غشيم وچنت اكول الدنيا خلصانه ..
وزارع طيبتي اعله اجروف عطشانه ..
صرت مثل النهر بس يوكف يعوفوه
واذا رد يمشي كلها اتصير صحبانه ..
ويصعد على اجتافه العشب والعاكول
ويمدله بلا حيه الناعور ذرعانه ..
سفينه بنص بحر هدت عليهه الريح
تاهت والتكتلك كلها سفانه ....
مساء الورد والياسمين 🌹🌹🌹
_---------بشيره بقلم زهره الرمان
بعض الجروح لاتندمل باعتذار
ولا كلمات تصف حجم الالم
وتبقى الغصه التي في القلب لا يشعر بها الا من حملها.. لذلك لاتحكم ع مضاهر البعض من لبس او ضحك
قد تخفي الآلام لا تطيقها..
حبوبه هي اكبر خواتها... وتحبهن حيل
لكن دومها دكول ما بيهن محنه اهلي
بوكت حاجتهن يجني
حبوبه اكبر منها ثنين اخوه وماتو
وبقت هي ووراها حبوبه نوريه وملكيه الاجت تعتب
تخربطت واخذوها عمامي للمستشفى بقو
قريب الفجر يلا اجو والبيت عبالك نهار الكل ما نام حتى سامر ووليد واني مكدرنه انام
حبوبه بالنسبه النه هي البيت
رجعو بابا يحجي ع عمو كريم ما قبل يتجاوز.. لكن مو يم حبوبه فاتت واحنه انجمعنه كولنه بغرفتها
ونسحب بيدها ونبوس بيها
سحبونه امي وابوي وعمامي
كالو خل ترتاح تعبانه جدو وصى نورا
كاللها ما اريد احد يسولف يمها ويضوجها
بدايه جلطه
وإذا تكررت تروح بيها
الاسمعه يحجي ما يلوم الا نفسه لانعل ابو نوريه وخلفتها ع ملكيه
ما يجون الا بالطايح حضها
تقربت ع حبوبه وامسح بدموعي اخذت وصيه جدو محد يضوجها
خفت تشوفني ابجي وتضوج
نايمه وما كعدت
نسأل يكولون ماخذه علاج قوي منومها
غفيت وانه لازمه ايدها
حسيت بحجي فتحت عيوني حبوبه
وج بشيره حبوبه ليش بلا فراش نايمه ع الكاع
هااا حبوبه كعدتي
ركضت ابوس بيها
_زينه انه حبوبه لتخافين
_ينزلن دموعي غصب لان ما متعودين
حبوبه تنام دوم هي النسمع صوتها بالاذان
ونسمع من تغسل الحوش وره الصلاه وي طلعه الشمس
نلكاها ع كرويتتها بالحوش
لان ع طول دكول اختنك من الغرف احب مكان مفتوح.. وتبقى بمكانها لكن كومه شغل تسويه
اول ما تجي امي من السوگ.. تاخذ الخضره وتلگطها
لو تعزل بالمسواك وي امي.. ما عدا اذا
طفل اكيد حبوبه تخليه بحضنها وتوكل وتنيم
وتصير عليها سرا عدها علبه مال حليب نيدو فارغه زغيره بيها أعشاب لكن طيبه
تكول زينه للأطفال
واحنه نحب ناخذها منها..
بيومها كل ساعه ينفتح الباب عمامي يفوتون يشوفونها وهي احسها كوه تحجي
ووجهها ذبلان
جدو حيل ضايج وعصبي
