#يا هلخلگ من شاف ولفي وعرفه
بيضة گلوبنا وگُلش حنينة
، يزعل غيرنا يبين علينا !
مساء الورد والياسمين 🌹🌹🌹🌹
_---------بشيره بقلم زهره الرمان
وصلنا وابوي شبه يركض واحنه وراه
حبوبه بالكاع وجدو يعيط ع عمامي
هوسه
شالوها ابوي وعمامي..
واني اكمش بيدها مو بس اني كل الجهال وع صرخه وحده ع حبوبه رغم يدفعون بينا
لكن فرفحنا وراها
راحو جدو وعمامي بقينا بس احنا ونسوان عمامي
امي بقت تسأل شبيهآ تخربطت
نورا كالت.. البارحه سمعت خطيه ام مؤيد توفت ام فريال
وخالتي من البارحه ع عيطه وحده
وما راحت عمي يكوللها هي راحت تگابليمن وتعازينها ناخذج المقبره
لكن حبوبه ولا سكتت وتعيط
ما تبارينه الذمم وراحت اختي. الله لا ينطي الجان السبب
خربتني وي اختي
بقينا لثاني يوم محد بين وقلقنه ازيد من اجه عمو نعيم واخذ فلوس ومن سألناه كال ادعولها
وراح
واحنه البيت عبالك انهجر
طباخ محد خله عليه جدر امي ونسوان عمامي ع بجيه وحده
خايفات ع حبوبتي
وكلما ينجمعن ويبقن كل وحده تحجي بزينات حبوبه الها
واني صار مكاني ع فراشها واقرا قرآن ودموعي تصب
حسيت رح افقد حبوبه
خايفه ومن اتخيل ابقى ابجي. لان ماريد صوره البيت وهي مو بيه او شكلها وهي ميته
يومين رعب وقلق وقهر مرن على الكل حت عمامي من يجون وجوهم صفرا وتعبانه
اما جدو ما شفناه الا وهو فايت وكامشها
ويحجي سويتو فراشها
التمينه عليها ونبوس
بيه
كم يوم واحنه مناوب يمها متركناها
لكن جدو مگابلها وكاعد ولا يعيفها أكلها واذا تريد تبجي ما يقبل ويسكتها ويصبرها
بالغرفه يمها
حتى ينام واني كلما يصير الليل اتوسل بيه
_ ابو رزوق روح بمكانك
_لا هنا انام ما أأمن تبقى وحيدها
_جدو لعد ماخذ مكاني انته تره اول يومين كلت خطيه مقهور ع حبوبتي
هسه احسن
اريد مكاني
_ولج الغرفه شكبرها
نامي هناك هنا
يأشر لكن اني الا يم الحايط قريب ع سرير حبوبه
لكن ما يقبل...
اما حبوبه كوه تحجي
وتعبانه
الايام البيها حبوبه مريضه الحوش محد اله خلگ يكعد بيه بينما جمعه عمامي بيه
لكن من تمرضت بقو بالغرفه ع طول
ينجمعون بيها. وأكثر الأوقات من يطولون جدو يطردهم
يخاف ع حبوبه
وهمه متقصدين يسولفون وياها ويضحكونها
يغيرولها جو
لكن بره الغرفه يبقون يوصون بنسوانهم ع جدو وحبوبه
