#مجروحين
كتلك عوفهم لا تستلذ بيهم
سود كلوبهم والدغش عاميهم
طول فركتك خاطر عزيز تصير
بحسرة شوفتك لازم تخليهم
ضنتك بير سوو حته تشرب ماي
ثاري لدفنتك حفرت مساحيهم
وعله جسمك لا تدك أفلان وفلان الناس كلهم طين
شما لاحاك الماي تروح أساميهم
مساء الورد والياسمين 🌹🌹
__بشيره بقلم زهره الرمان
*،،،،،،،،،،،،،،،،،، *
_شبيج. تعالي جوا.. سحبت ايدها ورحنا للساحه اكو طالبات لكن قليلات
_الحگي بشيره عليه بالصدفه سمعت ابوي يحجي بالتلفون ماعرف وي منو
ويكول. الله محللي وما مسوي جريمه زواج ع سنه الله ورسوله..
وبقيت اتصنط عليه. لان يتوقع اني بره لكن اني فتت من باب الاستقبال وما شافني يباوع ع باب المطبخ..
وماخذ راحته لان امي رايحه وي خالتي للطبيب..
_هاي شوكت
_البارحه العصر..
_وبعد شكال كملي
_ماعرف منو يحجي وهو يجاوب يكول الله امكني مادياً وأريد جهال ابقى طول العمر ع لينا
ولج يعني ابوي يريد يتزوج.... و.
_دسكتي هسه لا تبجين هو حجي. هسه قابل تزوج خل نمتحن اليوم اخر يوم
امتحنه وانه خايفه ما تجاوب لينا بالها يم ابوها... وحت اني خربطت بالجواب لان تفكيري يمها... خلصت وطلعت لكيت ابوها جايها بباب المدرسه
وصلت يمه وسلمت عليه وسألني ع لينا كوتله يجوز بعدها بالامتحان
صدك شويه وطلعت
استغربت
_لويش جاي بابا
_اليوم امج ما رجعت واخر يوم امتحان اريد اعزمج
نتغدى ونسولف
التفتت عليها كالتله هسه اجيك اسلم ع. بشيره
اجتني
هاا أرفض احسن ولج ضايجه منه
_لا يا ثوله يجوز يريد يكولج
_ تكولين صدوك يريد يكولي.
_ولج هي امج ما موجوده وباقي بلا غدا
واجاج دروحي والله كريم
راحت لينا واني رجعت شفت يمشون. يوسف واخته وهو عصبي وهي تبجي
كملت مشيتي رغم شافوني بس ما اهتميت تعديتهم ودخلت للبيت...
+=========+
ناطق.. ماكو أصعب من طعم الظلم.. بلحضه احس. اني انسان ظالم. ما حسيت الا أذن اذان المغرب... سديت الدفتر والف فكره بدماغي
شنو اسوي افضح فريال واخليهن كلهن بأيد كريم واهلي
يا خسارتك ياكريم ونعيم
سحورتهن بسببها خسرت مرتي يجوز مو بعيده السحر مذكور بالقرآن ياما الحسد والحقد والسحر موت ناس
طلعت توضيت. وصليت. بقيت ع السجاده وعقلي واكف وما اكلت شهيتي انسدت.. ورها سمعت عيطه ام سامر لكيت بشيره. واكعه انقهرت عليها اني سمعت جايتها الدوره لكن ما توقعت تتأذئ
من صارت احسن اخذت نداوي وكولتلها وراج امتحان خليها يمي تنام
اخذ نداوي ونومتها يمي وما ردت تبقى يم بشيره خطيه تعبتها اليوم...
