سهله عندك
جنت اضن
كلبه مثل كلبي يحن
ياريت ماجنت اضن💔
مساء الورد والياسمين 🌹🌹🌹
_____--------بشيره بقلم زهره الرمان
مر الرابع واني ادرس وحدي تعمدت من يجي شاهين ويسأل ويبقى يلح خليني اساعدج او ادرسج
ونوبات يسأل عن الدروس
كنت دائما اختصر الكلام وياه. وما اخليه يساعدني. ضجت منه ودي ما اشوف رجال بحياتي
ومره حسيته صار عصبي دخل يم عمامي ويسولفون ويضحكون وجان بيها حيل متأخر ما نازل
اكثر من شهرين
وحتى خافو عليه. ف من اجه مثل كل مره گبل علينه
اني تعمدت اترك المكان واروح للغرفه
دز عليه سامر. كلت لسامر كوله دا تقرأ
رجع اسمعه يكلوله خليها تجي هو اني اريد اسألها عن دراستها
وكفت بالباب
_هااا
_لج عمو سلمي عيب
_مو لازم يابه السلام بس صار كومه ما اعرف اخبار دراستج شنو الامتحانات متهيأه الها
_لا عربيد ابشرك النتائج الفصليه كولهم علامات النصر
_هااا يعني صايره شاطره
_والله يا يمه وقتها صاير للدراسه كمنا ما نشوفها
خاتله حبوبه كالت
_بيها الخير وباجر شعندج اول امتحان
_اسلاميه
يا يوم الإنكليزي حتى ارجعلج
_ما يحتاج فاهمه الماده
وبيها حسيته صار عصبي وضاج لكن ما اهتميت
بدينا بالامتحانات اني ولينا نروح سوا
واليوم الثالث للامتحان. طلعت وانتظر لينا كاعده يم الحانوت
ومن بعيد اشوف
سهاد.. تمشي وتتلفت وطلعت
من المدرسه
ركضت وراها
ردت اوصل لباب المدرسه وصاحت عليه مدرسه
_تعالي بنتي اخذي ذولي لست كوثر تلگيها فوگ
اخذت كتب وأوراق وأنى عيني ع هاي الدبه وين ولت
خلصت امتحان وطلعت وحدها من المدرسه.
. رجعت لكيت لينا طالعه وتنتظرني
ولازم نكعد نحل الاسئله ونحسب درجاتنه يلا نروح للبيت لكن اليوم
_لينا عيفي الامتحان هاي الدبه اليوم طلعت من وكت من الامتحان واني هنا جنت كاعده واجت من جهه الحمامات وطلعت بره المدرسه ما لحكت عليها. اريد اطلع اشوف وين راحت
_لج هاي بنت عمج ام مشاكل لا تروحين
_لج اضوج ع عمو كريم يوميه هابطته
ولو تشوفين شلون مداريها
والله ممخليها تطلب شي ابد
طلعت بديت ادور بالفرع القريب ماكو رجعت لكيت لينا واكفه
روحي لينا
_لج شلون اروح واعيفج امشي أمري لله ادور وياج بس يجوز راحت للبيت
_ما اتوقع هلايام ولا يوم اجت قبلي تجي وراي
مشينه كل وحده بجهه
. افوت من مكان لمكان. اشوف اكو طالبات
و الفروع القريبه كولهم
تقريبا هادئه وقليل ناس يتحركون
