ياعشگنا
عليمن حاسدتنا الناس
واحنى الغيض تارسناعاشرنا شكثر خيرين
بس كل خير ماشفنامساء الورد والياسمين 🌹🌹🌹
__-----------بشيره بقلم زهره الرمان
حين يطرق الفرح أبواب مُلئت بصدا الألم والخذلان... نستكثر تلك اللحظات ع أنفسنا.. نؤمن ان بعدها س يزورنا الدمع...
الحنه مال عمه علياء باجر وكفت يم عمو ناطق
_عمو اطلبك فركتلك رجليك مرتين يعني دينار
-شنو دينار ولج نص دينار متفقين
_لا غسلت وياها ملابس نداوي وسبحتها
_اني ما طلبت منج
_عمو لان اريد دينار بسرعه وماده ايدي
اخذته منه
ورحت. لعمو كريم
_عمو تره ماجد صديقك فلازم تنطيني فلوس اشتري ملابس. للحنه والعرس_واني شكو شمحصل
ولي
_عمو بكيفك لا تنطيني بس والله من يجي ماجد اكوله
يكول عمو كريم عليك
حتى لو صاحبي الأصول أصول الذهب والملابس وحتى الغرفه ينطيج خبر بشرايتها
يعني هيج تكول لعمه
وتريد تاخذ فلوس من صديقك. والله اكله_انهجم راسج ام اذن الفاره
شنو خصج بالهلسوالف
_هسه انته ليش اطولهاع نفسك انطيني دينار واعيفك ومن يجي أحمدك اصلا
_لا يا لوتيه
جمعت اربع دنانير منهم لان جدو دومه يكول شتلگين
بجيبي اخذي فإني اخذت هم دينار لان مثلهم
ومن عمه هي نطتني من سمعتني اريد اشتري ملابس.اجت زوجه جابر ووياها بنتها يم عمه علياء العصر عمه فريال وسهاد رادو يرحون للسوگ
حبوبه كالتلها خل بشيره تروح وياكم تشتري ملابس اني ما ردت اروح لكن حبوبه لحت عليه روحي ومحد ياخذج
ردت عمو ناطق ياخذني لكن ما اجه
طلعت وياهن وافترينا بالسوك.
عمه فريال اشترت
ل سهاد والها ولجهالها
واني شفت فستان عجبني وكولتلها خل نفوت نشتري كالت يلا فتنه واتعامل وياه اعرف شون انزل من الأسعار
وهو يكول ترديه بأقل من حت سعره
واخذته بالسعر الردته عمه كالت اني هنا كبالج بهذا المحل يبيع فراصات ونواعم مال بنات كولتلها تمام روحي
اخذت الفستان ودفعت فلوسها
بقيت انتظر فريال ماكو بقيت شويه اباوع من باب المحل ورحت للمحل الكالت عليه هم ما لكيتها وماهيه خفت اروح وترجع وما تلكاني بقيت انتظر وهي ماكو.بدت تغرب الشمس وما اجتني
رجعت امشي لكن اتلفت بلكي اشوفها
واشوف من بعيد عربيد_هاااا شعندج هنا بالسوك
_وانته شكو_جاوبي عدل لج مغرب