#عيش بدنيتك شلك بالهموم
لا محسوب ع الميتين
ولا محسوب ع العدليين
انه المحتار وي روحه
والما يدرون بجروحه
شايب عمره بالعشرين
مساء الورد والياسمين 🌹🌹
_موووو اسئل ولك سامر
_يابه حساب وي شاهين وأريد اصفيه
_شنو الحساب وتلزم الأكبر منك هيج
احجي شاهين
_رزاق عوفه عليه يمون اخوي الزغير
_انه لا اخوك ولا زغير وشوف هاي لعباتك بمعسل الكلام يأكد شكي بيك
_انته شو ماتحترم انه ابوك وأسئلك احجي
_ياابه
بهاي الاثناء دك الفون
وبسرعه سحبه سامر
هاااااك شوف يابه منو متصل
رفع الشاشه. اني مسميها بشيره الروح
نطت عيون رزاق واشر اششش
. فتح خط
وسكت
_الو شاهين وينك دا اتصل اجاك سامر
غلق الفون وخلاه بجيبه
والتفت تف بوجه شاهين
امشي ولك مأمنين بيك تالي تخونه
. وانته سامر الغي شنو شفت وسمعت
_يابه رحت اودي ثواب لبيت اهله واسمع امه تكول اكيد عمتها علاهن تأخذها وسون سحر ل هذا شاهين وخلانه يحبها
رحت لبنتك تكول ماعندي شي وهلخابرت خايفه ع هذا
_اولا اني ما خنت ولا تصرفت غلط وخاطبها من عمي لو ما ضرف موتته عمتي جان كولكم عرفتو وثانيا
هي محسوبه عليه وعرضي
_"وفر هلتفلسف لما نروح صعدنا
بالسياره ووصئ نعيم يعزل بس هدوء رزاق او عصبيته ما همتني غير خفت ع بشيره يأذونها وكلما اكوللهم مالها اي علاقه هيه وما تدري اصلا خاطبها يسكتني وسكت سامر ينطنط
وصلنا وفات شايط. گبل ع عمي لكيناه يتعشئ
كعد كباله وكل ل سامر اقفل الباب
_بويييه هذا النذل جاي خاطب منك بشيره؟
_خيرك رزاق
_بويه انه اسئل جاوبني
_اي من قبل لا تموت امك
_هاا وتعرف اهله داگيلنه تنكه ومطلعين بنتي مطلكه ومخبله وهسه هم سحر يسون لهذا الشفيه حتى ناخذه ع عماراته واملاكه وطوله
_شنوو هالكلام شنو داكيلك تنكه منين جبت هلحجي
_شوف انه جنت ما عرف يقصدمونآ
بالمگبره وأمه تكوله ما تاخذ المخبله وهم مطلكه
كلت ما شاركينه بموضوع ما سألت ولا شكيت لحضه ع بنتي لان حاسبهم اهل بيت عمي
وهسه تأكدت من سامر سامعه باذنه
وهذا الخسيس يخابر بنتي وتخابره
ورح اعرف شسوي اربيها من جديد
وبدأ بيه عتني وطردني
شووف ما اريد اشوف ظلك لا هنا ولا بمحل ولا بأي مكان بالك اشوفك باي مكان اكسرك وروح امي
دفعني ما اريد اطلع خفت منه يروح ياذي بشيره ركض للبيت وآنه ركضت وراه سامر عتني وطردني
عمي يركض وراه. اني ادفع ب سامر صدك غثني بلا شعور ضربته ودفعته
