وذنوبك انت هواي
يوكتي وين ماخذني لها وين
تعبت جروح البگلبي لها ون
مثل هيل ويخلوني لهاون
افوحن عطر والدگات بيه
مساء الورد وباقه ورد 🌹🌹
عمه ازهار بيدها جنطتها وعمو كريم واگف يمها بممر البيت
ويهدي بيها
كريم.. هذا بيتج واني دوم اكول انتي العاقله
ناطق.،، عيفها تروح اشوف ياهو يرجعها لو تبجين دم ما ارجعج
حبوبه طلعت من الحمام بضفايرها الحمر بعدها ملابسه الشيله ع راسها بيدها وتعيط يااااااا
نويطق مال الطگ ان شاء الله
تعالي زهيره يمه
واني انقل نضري بينهم وازهار تبجي بحركه اول مره اشوفها هيج وأريد بس اعرف تقربت منها
شبيج عمه
ما تجاوب خاله الجفيه ع وجهه وتبجي
ركضت ل عمو كريم
عمو شبيهآ عمه
ملتهي يحجي وي حبوبه
ركضت ع عمو ناطق
عتيت دشداشته عمو شبيهآ
عاط ولج وخررري انتي هم
الله يگطع النسوان والبنات وجنس حوا
حبوبه من الله يغيب وفگك ع هاي الجلمه
ما تتعلم تضل طول العمر اغم
وغمته
بهاي الاثناء دخل جدو
وشاف ازهار
.
صاح انا اغلام ابوي هاولج زهيره بويه شبلاج
دنگت وخجلت
تصير حمرررا اذا تستحي
كريم بدا يسولف
. بويه اني سمعت بس عياط ناطق ومن اساله شبيك يكولي زهيره مو آدميه
اجت ازهار وكالت وديني لأهلي
وهل اقنعها ما تروح
جدو. تعالي زهيره سولفي واذا الج حگ أخذه من عيونه
كعدها يمه ع الكرويته
وحبوبه بيده مشط الخشب وكاسه فافون بيها أعشاب عطور. تخليها لشعرها وتمشط
بالگاع
وتحجي اي (حظ العفنات بالحفنات) مثل
جدو.. احجي بويه..
ازهار عمو ناطق صارله شهر يوميه نفس الكلمه روحي تأكدي بنيه ببطنج لو ولد
ورحت كالت الطبيبه ما يبين هسه
واليوم.. وسكتت
جدو اليوم شنو احجي ولج
بقت تباوع ع ناطق
جدو احجي ولج شنو تخافين منه
ناطق بويه شنو السالفه يعني لان بنت ابن عمك
جدو انجب
ضحكت شافني جدو وانتي لا تضلين تباوعين روحي جيبلي اميه عطشان اجيت يبستو ريگي
ركضت وعمه عليا بالمطبخ
وتسوي الثواب لعمو نعيم
اخذت الماي
وطلعت اركض
جدو. ولك انه ما افرق بين جنايني كلهن بناتي وكلهن من معزتكم لكن الفقيره والمالها لسان تاكلونها شلون
