حجيك مطر صيف
رسايلكم
بعدنه انشمهن ونغفه اعله طرواهن
بگد احروفهن دمعات ضگناهن
وحگ الضالات من الليالي أركاد
رسايلكم حرز للروح عفناهن
آنه متمني بس حايطنه عنده لسان
وكون يسولفلكم من قريناهن
اعتگن .. بس ها حلاته اليعتگ ويالعين
اشما يبطن احس جدد حچايهن
...
مساء الورد والياسمين 🌹🌹
............... بقلم زهره الرمان...*****
شفت هوستهم بالباب عمامي وجدو
وولد جدو ابو جابر
شلون ورطه رح كلهم يبقون يحققون
وصلت
باوعت شفت هذا عربيديباوع عليه
وصلت حرك ايده بمعنى وين جنتي
وصلت خفت صح لكن ما انطيه مجال يحجي
وصلت
شكووو
_وين جنتي
_وانته شكو
_اهلج ما يدرون يمكن بيج
_معليك
وركضت جوا
بقيت كلما اريد اطلع الكا هذا شاهين او عربيد بالباب
اطلع يسأل واكول اهلي دزوني
رحنا لابو صبيح ل حداد
مقبل كال جيبوا واحد من اهلكم
بقينا
لينا كالت رح اكول لبابا ونطيتها الفلوس المجمعينهن
وبالفعل قبل العيد اتفق وياه
وكملها وفرحنا وبقينا أندور ع مكان مناسب قريب السوك
وساعدنا ابو لينا هواي
فرحان كلما يشوفنه يوصينا ع لينا هي اختكم ديرو بالكم عليها
اول يوم العيد اني وساجد. وبدوا جهال يجون وساجد الي يوكف ويتابعهم واني اجمع الفلوس منهم
واول يوم جمعنه هواي فلوس وثاني يوم ويانه لينا هم
العصر اجه غفار واخواته
وإيمان
العيد بالنسبه اليه هي اطلع بالشارع وي فريقي
عمامي راحو اخذو زوجاتهم واولادهم ل اجدادهم
وعمه علياء بالبيت ابد ما تطلع
ابوي ما نزل هذا العيد ف. فرصه هو أكثر واحد. يضايقني بالطلعه
اخر يوم العيد اتفقنا ثاني يوم هم نطلع المرجوحه لان بعد اكو حركه ويلعبون جهال
بيومها وكفنا وفرحانين لان جمعنه هواي فلوس
والعصر نتقاسمهن
اجه ولد التعاركنه وياه قبل الشعره ملفلف واسود
سحب ساجد كله وين الفلوس أنطوني منهن
بقى ساجد يدفع بيه. لكن ذاك ضخم واكبر منه بقى يضرب بيه. ركضت اني
وهجمنه عليه وبقينا نضرب بيه
وهو وياه ثنين لكن واحد ضرب لينا ضربه قويه واحنه نحس مسؤولين عليها لان ابوها بوصي عليها لان فقيره وتخاف
ضربتها قويه وهاي ما تتحمل
مو مثلنه
شفت سيطرو علينه
بقيت افرفر بعيوني ع شي اضربهم بيه
وشفت شيش يم ابو الشوي
اخذت الشيش
ودجيت ايد هذا اليضرب ب لينا
صارت بمعصمه تجمعو ناس وكبار واجه عليه حرس مال بنايه دفعه وكله هسه اوديك للمركز
اخذهم بس ايده تجري دم واحنه اخذنه المرجوحه لبيت ابو لينا
وصلناها وبيت لينا قريب ع القطع الصار بيها هياكل وبيوت قليله
تقاسمنه الفلوس
وكل واحد اخذ حصته
