گَـلۿ مني واخخّ مني انة دليت الغُرب باليوجعُني🖤!
مساء الورد والياسمين 🌹🌹
__--------بشيره بقلم زهره الرمان
شاهين.....،،
يسموني عربيد... من صغري سماني عمي ابو رزاق... اشبه بصفاته
جان جلد قوي وصبور وحكيم ورأيه دومه يؤخذ بيه...
ما أشبه ابوي
ابوي مسالم بمصطلحنه فقير...
لكن وعيت وعمري 8 سنوات
بكلمه عمي ابو رزاق صارت طلابه بين عشيرتنه وعشيره ثانيه
وگف ولأن احنه أصحاب حق...
سمعته كال... احنه نتعنئ للشر الشر ما يتعنانه ولا يتعدانه
وكان هنا يقصد
اذا النه حق ناخذه حتى لو يصير بيها مشاكل الوصفها بالشر
وأصر اروح وياهم رغم زغير ولد عمامه كلوله صغير
كاللهم هذا عربيد
ومشئ عليه الاسم عربيد
لحد عمر 11 سنه تشربت منه كل تصرفاته ووين ما يروح ياخذني
لكن أولاده صارت وضائفهم بغير محافضه وشال
لكن كل گرايبنه يگولون تصرفاتك
مثل عمك نجم
ابو رزاق...
عكس اخوي جابر
ماعنده اي احساس بالمسؤولية
ولا يكترث بالحواليه وعنده نوع من الفهاوه
وهذا الشي اليخلينه يوميه مشكله اني وياه. لان بس هو اخ اليه والباقي بنات واكبر منه
من سوا مشكله خلصانه بالكوه.. لكن شرطو نشيل اجينه لمحافضه البيها عمي ابو رزاق
وصرت أقرب لعمي كل موضوع لازم يكولي عليه ودومه يكلفني بأمور حتى بالسر بيني وبينه
حت ناطق الي هو أقرب واحد اليه. يكول انت وابوي حزب وحدكم
نزلنا يم بيت عمي... وكانت فتره طويله من تزوجوا. ولد عمي وعدهم اولاد لكن ما شايفهم
ووره ايام
امشي بالشارع وشفت بنيه
ناعمه وقصيره بالنسبه لصديقاتها ووياها مجموعه وهي معلگه ع شجره النبگ مال بيت وجماعتها يعيطون بشيره اجه المدير
وهي ولا مهتمه جمعت النبگ ونزلت كلهم ركضو الا هي وي نزلتها من السياج تلگاها
رجال صاحب البيت تقرب وعصبي
حبيت اعرف شنو من جرأه كلهم خافو الا هي أصرت تبقى لان خافت ع النبگ يروح منها. نزلت
ووكفت كباله
_لج شبيج ع الحايط ماتستحين
_وشصار هنه كم نبگه احسن تيبس ومحد بحالها بثواب روحك شبيهآ يعني
_ولج صاعده ع السياج بله طحتي تعورتي
يسوونج مره براسي
_وهسه لا طحت ولاتعورت. واني اعرف اصعد وما اتعور لاتخاف
دشوف فريقي رعبته بهذني حواجبك
وشوف النبگ شلون اطشر منهم شردو وعافو
_اجمعيه واخذيه
_ما أريده بعديش بعدك بالسياره وتعيط
واني ما لحكت انزل واركض
_هاا يعني لان ما لحكتي تشردين
_اي
_ما طول تحجين الصدك تعالي جوا اكو تُكيهاخل انطيج
_اني ما افوت للبيوت حبوبه ماتقبل تريد
جيبلي واني هنا انتضرك
