بشيره

انا يا طير ضيعلي نصيبي /57

#أنا يا طير ضيعلي نصيبي_57_
گود روحك
مثل غيمه مايمشيها بشر
وطيح للمعتازك شلون المطر
گود روحك
مثل نار وشبت بنص الكصب
ودير بالك تمشي بيد الماله راي
باجر يشبعك تعب.. 💜

. أصعب مواجهه هي. التصير بين انسان فكرتي رح يكون كل حياتج ودينتج واختاريتيه شريك بكولشي

و بلحضه تخافي حتى تشوفين وجهه من سوء عمله وياج

اخذتني حبوبه للاستقبال. وعمه ضايجه احسها خايفه هم يصير عندي إغماء او اتخربط

ولو اشوف بعيون الكل هذا الخوف

كلمات التشجيع من الكل احسها تزيد خوفي ما اطمأني لان ودي احجي الكلام الي حاشر بگلبي ايام واردده وحدي

فتت ووكف ابو رشيد تلكاني وباس راسي
ومهند وكف توقع اسلم عليه
كعدتي صارت يم جدو وكأن روحي الودتني يمه اريد اتخبا واتحامئ بيه

اول مره كان كلامهم طبيعي لكن جدو متحامل عليهم ع ساعه ينفجر وكلامه كله تبسمر
ويعديها ابو رشيد لان ماله ذنب ولا تصرف وياي بشي مو زين هو احسن واحد بيهم

لحد ماجدو بقى يسولف سالفه من قدامئ أجدادنا..
وبيها بسمار لمهند

وفتح الموضوع جدو..
_ما النه سلطه ع مهند صار عنده شك او حس هو انغلب بهلزواج
لكن ماله حق يطخها ولا يضربها ع شي

ذنب هو شهد ع كل تفاصيله.. شنو كان ينتضر

راد يحجي مهند جدو قاطعه

كاله تشوف انه ما أوجه الكلام الك لابوك اسكت

وكمل كلامه
. ماله حق يحقق وياها شنو سوولها
لان ما غشيناه ولا كذبنا عليه
اولآ وثانياً والأهم مو هو اليحكم ع أخلاقها
لان من خطب من بيت وبنضره البنيه مو زينه معناها هو الموازين شلون يخطب من بيت وح ترضع أولاده مره يشك بأخلاقها معناها اخلاقه طايح حضها

. ما يخصني
شنو اشترا لو حط بغرفتها والها.
اليهمني الصار ما ينغفر. وهسه حجيت العدي
. شنو جيتكم وصرفتو وقت وتعب. وانه كلت طلكو بسكات

_ابو رشيد
.... ما الومك ولا احگك بحرف بس انه جيتي مو لأجل مهند لأجل خوتي وياك ما اريد تخرب خوتنه بسبب هذا

وهو جاي يعتذر ويصحح خطأه
وحاضر بالتردونه

التفت جدو عليه

بشيره صار هسه وكت الحگ الج
والكلام هذا مهند وهذا ابوه

وهاا الخوه التكول عليها

انته محاسب عليها لان معرفت تحكم بيتك وعيال بيتك وتحمي التاخذونها
لا تبرر ولا تتعذر الحجي يم بشيره

_جدو مثل الكال هذا وقت ترجعين كرامتج

عمي ابو رشيد انه ما شفت سوء منك وهاي شهاده لله. أما ابنك وأمه
رادو يعرفون مني اني شنو صاير وياي
لكن هسه مستعده ارجع وياه لكن اكله