#مو بدينا نودع
الشوارع كلها مو مني
ولا تصوير يشبهني
وحتى هناك المرايات
بيها أنا وجه ثاني
غريب اني
وغريبة طيور عمري إباب بستاني
- كاظم الگاطع
____............بقلم.زهره الرمان ****
مساء الورد والياسمين 🌹🌹🌹
أيام واني الأحلام اواجها لوحدي تفززني خوف وما أكدر احجي
ابجي جوا غطاي ومحد يشوفني
ولا اريدهم يشوفوني
حبوبتي الوحيده الي هاي الفتره يوميه تسولفلي قصه وبيها حكمه ويجي جدو يمها ويسولف. هو هم
.. سولف ع امه. يكول تعادل عشر زلم
وما تخاف جانت
واندمجت بسالفته من حجه عنها
_"اجو حراميه وقبل اذا واحد انباگ
ويرجع بوگته يعني يروح هم يبوگ منهم بأكثر معناها هاي زينيه
جان ماعدنه عقل.
ف امي اجو الحراميه ع أرضهم وما موجودين اخوتها ولا ابوها
...
تعرفين شسوت
_"شسوت جدو
_بقت تضرب بالحلال يعني الاغنام والابقار
وتصيح فلان لا تطلع
وانت فلان جيب كذا
وهو الدار فارغ لكن متعلمه ع السلاح
سحبت أقسام وتلثمت وطلعت راسها
وخافو وشردو
فيا بشيره الحرامي والمسوي سو هوه اليخاف ويشرد مو صاحب الدار والحگ
أحنه خفنه عليج.. وما نريد احد يلزمج
لان انتي غاليه عندي واعرفج ب عشر زلم تشبهين امي انتي
نفس اللسان والشكل
ردت حبوبه..
شني تشبه امك الله يرحمها
لا تشبهني بشيره ويضحكون
واني وكفت هسه اني اشبهمن
دخلت عمه علياء
ولج تشبهيني
يحاولون يهدأوني
لكن بليل ابد ما انام مرتاحه
صار اروح للسطح واباوع للشارع
مرت ايام بدا شعري يطلع
ورح تبدي المدارس
نزل ابوي
واخذنه للسوك وهاي اول يوم اطلع من بعد الحادثه
ابوي كال لأمي. روحي حتى تتمشين لان قربت ولادتها
وهم تختارين ملابس ل سامر اول ابتدائي واني ناجحه السادس
وتجهز للطفل
طلعت امشي وكامشه ايد ابوي وشعري نوعا ما صار ولادي مقبول
نفتر بالسوك وازدحام ومن بين الناس والوجوه
شفت ساجد
يبيع علاليك ويمه عربانه
احس الهوا انگطع ضجت لان حيل متغير
شافني تقرب وابتسم اجه وسلم ع ابوي
ابوي جاوبه وسأله شنو يشتغل وساجد كله عندي عربانه وابيع علاليك. وتقرب يمي شلونج بشيره
واني ماعرف لويش بديت أخجل لان اخر مره شافوني بمنظر مو حلو
هو فهم
_بشيره خرب الفريق بلياج
_شنو ما اداوم السنه
_لا بطلت
_يا ليش
_"كاعد اشتغل يسألون عليج غفار ولينا
_نلتقي بالمدرسه
_اي اوصلكم بالعربانه
ببومها ابوي اشترالي ملابس وجنطه ورجعنا وصلنا للباب شفت شاهين
سلم على ابوي
