بشيره

توضيح

توضيح +شُكر

مساء الورد كيكاتي💐💐💐

بدايه احب اشكركم ع تفاعلكم.. نقدكم البناء... اطرائكم الي شجعني وفرحني
وحابه اشاركم ببعض النقاط

💣المفاجاه الأولى أو القنبله. هي وفاه سعاد الغير متوقعه منكم وهذا اني حبيت تقراؤن الشخصيه بكل جوانبها السي +الطائش تعاطف+استفزاز
وطبعا استاذنت من ناقلين القصه لكونها انسانه ماتت
لكن القصه هي للعبره وحبيت أبين ان الانسان ك الزرع آذ ما نشأ صح يكون بالكبر مستقيم.. وما ان تلوثت مبادئه يكون اعوجاج يلاحقه مدى الحياة
وهذا الشي صار ب سهاد وهي شخصيه رئيسيه بالقصه مكدرت استثني دورها بأن انطيكم خبر لكن مؤكد تعرفون عبر الزمن من يرحل ويسافر ويموت
ولهذا حبيت التعاطف مع الشخصيه والكره سوا
تناقض الصار هو بحد ذاته اتوقع مكمل للنجاح... تاثركم بتعليقاتكم. ساعه تتعاطفون وساعه تنزلون ع الترابي هههههه
اكيد حقكم تكولو انسانه ميته لكن ارجع واكول العبره ودرس للامهات ان تكون قريبه لبنتها لكن قرب مؤدي قرب يدمر كانت فريال قريبه ع بنتها لكن سممت فكرها
وحب سهاد لأمها نابع مو من فراغ اكيد من تقرب فريال الها
لكن قرب مدمر

وبالمقابل ردت أبين الام المهمله لبنتها مثل ما صار ببشيره
الام معتبره الامومه ولاده وبس بدون تعب
مثل كوله حبوبه ام رزاق.. ربتهم الگاع
لان مااعترفت بتربيتها لبشيره وتكول الربئ للأم مهما كثرت اليحبون

لكن ام بشيره مافاد وياها البعد هذا مثل القرب مال فريال ثنينهم اودن بوحده للموت
والثانيه مثل ما عشتو وياها
لولا اهمالها ما تحرشو ببشيره وباقيه تلعب بالشارع
ولا زينوا شعرها وسببت عقده بداخلها
ولا اخذت قرار زواجها من مهند

....... اتمنى وصلت فكره الامومه وخاصه لكل قاعده شواذ مثل ام لينا الي حبيت اسلط الضوء عليها. بأن ضرارير عاشن ولهسه يسمون ام لينا امي
ويسمون امهم الحقيقيه  باسمها

هذا نتيجه التربيه والتعب بالتربية تستحق الام التربي مو التخلف

وعمر ماكان الام بمستوى التعليم...

. لأن حبوبه ام رزاق كبرت رجال ويعتمد عليهم وهي ما تخط بقلم

و بينما ليلى انسانه مكمله دراسه جامعيه لكن ما تعرف قياده بيت ومسؤوليه

وعمر النظافه ترتبط ب كون المرأه عامله او ربه بيت ابدا

ولا مقياس النظافه اسلوب متعلق بسلوك معتمد مع الإنسان من زغره

💣الحاله الثانيه طبعآ راسلوني الناقلين
واحس اني ما وصلت الفكره بحذافيرها
هي مسأله كريم وزوجاته وعلاهن

بصدق حياه كريم ع مدى تعبه وقله حضه كان عنده رد فعل من زواجه بأم نبأ الي اعتبره مشروع تقريبا مفروض مو باراده
لكن علا رغم فرضت نفسها لكن لاحضتو ميلان قلبي عاطفي صار عنده الها لذلك اخته او ابوه مرادو يضلمون ام نبأ بالعكس الان هي الأولى بالبيت والحياه وياه
لكن ببدايه الأمر لان القلب مالنه عليه سلطان وهو محروم من الشعور بأن يختار هوه مو يختاروله
لهذا ايدته اخته لان حست بحبه الها
وابوه حقاني لان شاف گلب ابنه المحروم
وهو فرض ام نبأ عليه
وما بخس بحقها بل بالعكس

منافاستهن عليه
خلو كريم حسب كلمه من ناقله( اليبقي تالي ربه عالي😁😂)

أم نبأ واسفه ما أشرت بالبارت اله

صار عدها ولد وبنيه

وعلا انرزقت بتوم بنات

وكرم ام نبأ يصيحلها ماما ول كريم بابا

ولحد هذا يومنا كريم يجمع زوجاته ويتزاورن ووحده تزور الثانيه
ما تخلو من غيره لكن يعرف كريم يعدل وينطي كل وحده حقها
ويجمعهم ويغنيلهم

اغاني قديمه وع فكره
الاغاني القديمه
احد الناقلين يشارك باختيارهم
مشكور

اخرآ

تعليقاتكم الحلوه ونضرتكم للعبره

عرفت اني وصلت فكرتي والغايه من القصه
الواتباد اغلبه بنات وان شاء الله يكونو أمهات
والعائله ما تنجح الا من تبدين تختارين شريك لحياتج صح لان اللبنه الاساسيه الزوج يكون صح متوافق الأفكار
عنده عقلانيه ومتفهم

لا تلبسين الثوب الأبيض الا للشخص المناسب واشاركم كلمه من صديق
كال... ابقى بلقب عانس ع زوجه مهمشه او مكسوره او محطمه
لان عائله ابو رزاق ما صارت بيها الحكمه والمحنه لولا تفاهم الجد والجده

وبعدها انجاب الأطفال
بالاتفاق بكل خطوه للابن ومستقبله تخطيط لتربيته أولى من التخطيط لدراسه وبس وحياته لان ربيه صح
رح يفلح بدراسه ومستقبل...

دورج كام مو معناها تلغين  طموحج لا بالعكس الابن يقلد ما يسمع
من يشوف الام والاب مكافحين وطموحين ومطورين لشخصيتهم ولحياتهم
وح همه يندفعون لنفس الاتجاه

اعتذر طولت عليكم......
لكن هاي النقاط استدعى التنويه عليهم

آخرا اتمنى تنقلون قصه بشيره لقارئين
😍😍😍😘😘😂😂😂

وهاي لمحه من لوحه......

انا اسمي نادر نوفل اتصورو رفضني بنات. بالجامعه بسبب اسمي. بينما اني أذكى طالب بالقسم

رغم اسمي ورغم قله فرصتي بالحياه. لكنانرزقت بكنز عظيم 😉

دمتم برعايه الله