#شلون اوصفك
من لكيتك عفت كلشي وكتفيت
ومن حياة العالم اختفيت
فدوة لسمك بس لأسمك وفيت
كلها من بالي مشت وانت بقيت
*_______*
مساء الورد والياسمين 🌹🌹
بشيره بقلم زهره الرمان _______
كعدنا سوا بالصاله اني وناطق
گلبي مشتاقله
لكن روحي مجروحه منه ومن خذلانه اليه...
لكن قررت وهمه يسولفون لازم انهيها وياه
لان ارجع لنفس حياتي اعيش برعب فريال ونوال وما أأمن بكل الحواليه
لو بيه هو نفسه الالمبالاه وكأن اني مجرد
اله عنده...
قويت عزيمتي رغم انصياع گلبي ل عطره وقربه وتفاصيله احب كولشي بيه
لكن حب مدمر هذا
اريد اتحرر منه وهذا اول امتحان اليه اصير قريبه عليه ورح استجمع كل قوتي
شفته كعد ومبتسم ويعدل بياخه دشداشته..
ويباوع عليه بنضره وترتني احس يمكن اذا احجي رح انسئ
اسولف وي نفسي وردت اكعد
_هاها تعالي هنا يمي شنو رح تبقين تصيحين ويسمعونج تره بينه وبينهم بس باب تعالي يمي وسمعيني شنو تردين
_ناااطق قبل كل شي.. اني اعرف خبر حملي يجوز عمه وعمو غيرو قراراتك
لكن احب اكولك اذا تريد اكول لاخواني ولاهلك اني ما أريده ولا اريد ارجع
_زين انتي ليش ترجفين من تحجين اهدأي وثانياً ليش تخلين الذنب عليج خوب كولي التحسيه
_لا مهما يكون اني من كلت فريال ونوال سووا كذا وكذا همه بنات خالتكم ومن حقهم يصدكونهن ويجذبوني
لكن اني ما أكدر اعيش يمهن. اولا وثانيا اهلي مو من حقهم اسولفلهم عن خصوصياتكم واشوه منظر الناس الفتحو گلوبهم كبل بيوتهم اليه اني ما انكر جميلهم
. أما انته ما أكدر افرض ع شخص
عايش بگلبه حب انسان ووفي اله
وحقك لكن ما أكدر استمر وياك احكم ع نفسي ام ل نداوي بس
_كملتي...
_لا بعد اكو كلمه
_احجيها لان رح يصير الصبح
_اترجاك من تطلع هسه تكول ما نكدر نتفق وبس بدون تفاصيل
اشو هذا كام وتقرب يمي وكال وبعد...
ضاعت الاحرف واني اباوع بوجهه
كال هاا.. اريد اجاوب انقطع عندي حتى التنفس
هو مباشرتا
سحبني قوي وخله ايده وره ضهري و
خله شفته ع شفايفي بلا مقدمات واول مره يبوسني بهاي الطريقه والشغف
جمدت ولا تحركت ولا بادلته من الصدمه بعدها وخر.. باوع بوجهي
_طعم عسل اصلي...
ولا كلمه تروحين وتجمعين اغراضج وتجين بسرعه
_هاا
=م ش ت ا ق ل ج
_حجاها مقطعه حرف حرف واشر رايح خمس دقايق وتجين نكمل سوالف بغرفتنه
