#يلوالمتني من الصغر
ارجوك لا تعتذر
جرحك بقى ويالعمر
حاولت بس للأسف انساه ما اگدر
لتگول مالي قصد انا ادري كلش زين
أيد التصوب السهم تعرف توجهه لوين
صدگني هذا الدمع
بيه ابد ما مقتنع
صارت محبتك شمع من تحترگ تصغر !!
مساء الورد والياسمين 🌹🌹
بشيره بقلمي زهره الرمان......
علاهن.
يمه تذكرين العلويه الكالت ع الوحمه يوم بفريال. ناسينها ونسينه فريال من كثر المصايب مال بشيره علينه ماخطرت ببالنه
تعالي نورا يمه انطي مي لعلاهن ناشف ريگها اكعدي ولج اكعدي....
شكول وشحجي اذا مراح نخلص من فريال ولا عمايلها
دبريني ولج شلون نقنع ابوج وهو يكول هذا الحجي جذب وهم اعيد سيره بنت اختي وفضايحها وادري تسويها جانت تشوف العما ولا تشوف بشيره لان
تتصيد بيهن
أم سامر
_"عمه ما مستعده اخسر بتي وهي هلتشوفين صار عدها قلب من الخوف والسحر خسرها حياتها وقسمتها. شنو نخاف من منو انه احجي وي عمي
_بيمن تريدين تحجين بويه ام سامر وياي
_الله جابك عمي
عمي انته شفت يعينك بتي رادت تموت جم مره
فدوه عمي وين ما يصح دوه لبتي اروح
لاتعارض خلنه نوديها لهذا السيد انته تندله
_ولج بويه وين السحر منو يسحرلها
_"بابه انه هسه انتبهت العلوية كالت اكو وحمه برجل السحرت جبيره وكريم من خابرني رحت لبيته انتبهت لرجل فريال شنو نسيت
. هذا الكلام امي مدنگه لآخر لحضه وهي خجلانه لان بنت اختها ومقهوره شنو من حب هذا
يوم اعذريني لكن هاي شابه وفريال اخذت حسابها من الله
لكن ذنبها هي وربها بس مو نعيف هاي الطفله ع ساعه تموت تعرفين كم ليله عندي تختنك وتبقى تصرخ خنكوني
واطفر الليل كوله ابقى بس ابجي ع حالها انترست بطنها حبوب مسكنه تنومها وبعز النوم تفز تصرخ شنو ذنبها
_هدي هدي علاهن لكن كريم لاتزيدون عليه قهره... يجي نعيم ونشوف نروحله أمرنا لله. بس لا تبقن تسولفن بالسالفة لاحد
،،،،
مرت ايام اثگل من الجبل. صح. هدأت شويه
لكن من اتذكر مهند وخطوبتي منه وزواجي ابقى ابجي
والوم نفسي
اني احس ما مستعده لأي رجال يلمسني
لويش ورطت نفسي
أصابع او نضرات اي شاب بالنسبه اليه مثل السجاجين تقطع روحي
