伪装学渣
Wei Zhuang Xue ZhaUNICODE
ချင်းဟွာတက္ကသိုလ်ကြိုက်လား ပေကျင်းတက္ကသိုလ်ကြိုက်လား?
ရှဲ့ယွီခေါင်းထဲ 'ဝုန်းခနဲ'မြည်လို့သွားခဲ့သည်မှာ ရုတ်တရက်တစ်စုံတစ်ရာပေါက်ကွဲထွက်သွားသလိုပင်။
ဆက်လက်ပြီး တစ်ကိုယ်လုံးကသွေးတွေလည်းတဖြည်းဖြည်းအေးခဲလာသလိုရှိရ၏။
သူသည်ဖုန်းအား password ခံလို့ထားသည် ၊ ကျိုးသာ့လေပို့လို့ထားသည့် မက်ဆေ့ချ်တစ်ပုံတစ်ပင်မှာဆို lock screen တစ်ခုလုံးအပြည့်နေရာယူလို့ထား၏။ အပြည့်အစုံပေါ်နေခြင်းမဟုတ်သော်ငြား မက်ဆေ့ချ်အကုန်အားဟိုဒီဆက်စပ်လို့ကြည့်လိုက်ပါက အကြမ်းဖျင်းတော့အဓိပ္ပာယ်ဖော်နိုင်လေသည်။
. . . . . .
"သာ့လေ သူ. ."
ရှဲ့ယွီသည် လက်ချောင်းတို့ကိုကွေး၍ လက်သီးဆုပ်ပစ်လိုက်ပြီး မသိစိတ်မှနေဆက်လက်ဖုံးကွယ်ထားဖို့ စိတ်ကူးမိရသည်။
"သူစနောက်နေတာရယ် ဘာမှမဟုတ်ဘူး။"
ကုရွှယ်လန်မှာ တစ်ညလုံးမအိပ်ပါဘဲ ညသန်းခေါင်ကနေ ယခုနေ့လည်အထိတစ်လျှောက်လုံးထိုင်နေမိသည်။ အချိန်တွေဘယ်လောက်ကုန်လို့ကုန်သွားမှန်း သူမသိ ၊ ရှည်ကြာတယ်ထင်ရပေမယ့် အဲ့လောက်လည်းမကြာဘဲရှိရင်း အပြင်ဘက်ကတဖြည်းဖြည်းနဲ့မိုးလင်းလာသည်ကိုသာ ကြည့်နေမိလေသည်။
ရှဲ့ယွီသည် ပြောပြီးနောက် ခေါင်းမာမာဖြင့် 'အများကြီးလျှောက်မတွေးနဲ့' ဟုထပ်ဖြည့်ပြောမည်ပြုခိုက်မှာပဲ ကုရွှယ်လန်ရဲ့ထပ်မေးလာသံအား ကြားလိုက်ရသည်။
"အဲ့ဒါဘယ်လိုဖြစ်ရတာလဲ။"
သူ(မ)စကားဆိုချိန်၌ လည်ချောင်းကခြောက်ခြောက်ကပ်ကပ်ရှိကာ လေသံကပထမဆုံးအကြိမ်မေးတုန်းကနှင့်မတူတော့ ၊ စိတ်ခံစားချက်တွေပြင်းထန်ပေါက်ထွက်လာပြီးနောက်မှာတော့ သဘာမကျစွာပင်တည်ငြိမ်လို့သွားကာ စကားတစ်ခွန်းမှာနှုတ်ဝတွင်တစ်နေပြီး စက္ကန့်အနည်းငယ်ကြာမှထွက်ပြူလို့လာသည်။
YOU ARE READING
ဝေကျွမ်းရွှယ်ကျား (ဘာသာပြန်)
Teen FictionAuthor - 木瓜黄 (Mu Gua Huang). He Zhao x Xie Yu 贺朝 x 谢俞 Original title - 伪装学渣 / Wei Zhuang Xue Zha (ေက်ာင္းသားဆိုး အေယာင္ေဆာင္) / (ကျောင်းသားဆိုး အယောင်ဆောင်) Eng title - Fake Bad Students / Slackers ♦️|Myanmar Translation| Source - jjwxc