伪装学渣
Wei Zhuang Xue ZhaUNICODE
မင်း ကျန်းမာ ၊ ပျော်ရွှင်နေဖို့သာလျှင်မျှော်လင့်တယ်
ဌာနမှူးကျန်း မိန့်ခွန်းပြောအပြီးမှာတော့ ကျောင်းရှိအုပ်ချုပ်ရေးမှူးများလည်း တစ်ယောက်ပြီးတစ်ယောက်တက်ပြောလာကြသည်။
နေမင်းကြီးကလည်း ပိုလို့ခြစ်ခြစ်တောက်ပူပြင်းလာလျက်။
"ခဏနေကြရင် တစ်ခုခုဝေဦးမယ့်ပုံပဲ. ."
ဟယ့်ကျောင်းက အရပ်ရှည်သဖြင့်လည်း ရပ်နေရာမှရှေ့စီကြည့်တာနှင့် ဌာနမှူးကျန်းဘေးက စက္ကူပုံးကြီးကိုတွေ့နေရရာ ခန့်မှန်းပြောမိ၏။
"ကြည့်ရတာတော့ စာအုပ်တွေနဲ့တူတယ်။"
ကျန်သည့်ကျောင်းများလည်း အရွယ်ရောက်အထိမ်းအမှတ်ပွဲ၌ စာအုပ်များဝေပေးတတ်သည်။ ရိုးရိုးရှင်းရှင်းပင် တစ်ယောက်လျှင်တစ်အုပ်ကျ《တိုင်းပြည်၏ ဖွဲ့စည်းပုံအခြေခံဥပဒေ》ဆိုသည့်စာအုပ်အားဝေပေးတတ်၏။ သို့တိုင်ထိုစက္ကူပုံးအရွယ်အစားအရတော့ ထိုမျှထူသည့်စာအုပ်များမဆံ့ပါချေ။
လောင်ထန်က ထိန်းသိမ်းကြပ်မတ်မှာကြားရင်း အလုပ်ရှုပ်နေလျက် ၊ ရှဲ့ယွီလည်း အသာလေးအနောက်ဆုတ်နေလိုက်၍ ဟယ့်ကျောင်းဘာပြောလည်းအား သိပ်မကြားမိ။
ဟယ့်ကျောင်းက ကိုယ်ကိုငုံ့ကိုင်းလိုက်၏ ၊ ထပ်သာခေါင်းကိုငုံ့ချမိပါက ရှဲ့ယွီနားရွက်ဖျားကိုပင် ထိတွေ့မိမည်ဖြစ်လျက် အတွေးပေါ်လာကာ လှမ်းခေါ်လိုက်ပါသည်။
"လောင်ရှဲ့။"
ရှဲ့ယွီမှာ နေထိုးခံရ၍အနေရခက်သဖြင့် မျက်ခုံးနားလက်တင်လို့ နေကာထားမိ၏။
"မင်းအရွယ်ရောက်ပြီ ၊ လူကြီးလည်းဖြစ်နေပြီ အရေးကြီးတာတချို့သင်ယူရတော့မယ်။"
ကျောဘက်ရှိအနှီလူ၏ လေသံကတိုးလျကာ စကားပြောလိုက်ချိန်တိုင်း လေငွေ့တို့ကသူ့နားတစ်ဝိုက်လာလို့ရိုက်ခတ်နေသည်။ ထိုစကားမှာဆိုလည်း မကြာခင်ကခွေးရူးပြောသွားနှင့်ဆင်တူနေလေရာ ရှဲ့ယွီမှာ ခဏချင်းတွင်းထိုသူဘာကိုဆိုလိုချင်မှန်း နားမလည်ရှိရရင်း ခဏမျှငြိမ်နေပြီးမှမေးလိုက်မိသည်။
YOU ARE READING
ဝေကျွမ်းရွှယ်ကျား (ဘာသာပြန်)
Teen FictionAuthor - 木瓜黄 (Mu Gua Huang). He Zhao x Xie Yu 贺朝 x 谢俞 Original title - 伪装学渣 / Wei Zhuang Xue Zha (ေက်ာင္းသားဆိုး အေယာင္ေဆာင္) / (ကျောင်းသားဆိုး အယောင်ဆောင်) Eng title - Fake Bad Students / Slackers ♦️|Myanmar Translation| Source - jjwxc