伪装学渣
Wei Zhuang Xue ZhaUNICODE
ဥစ္စာအတွက်အသက်လု
Cမြို့ ၊ ချင်းဟွာတက္ကသိုလ် ဆေးပညာဌာန။
ညသန်းခေါင်ချိန်သို့ပင်နီးကပ်လာပြီဖြစ်၍ အဆောက်အအုံအတွင်း မီးအနည်းငယ်သာလင်းချင်းကျန်ရစ်တော့၏။ နဂိုကဗလာကျင်းနေသည့် ကော်ရစ်တာထက် လျှောက်လှမ်းလာသံတို့ထွက်ပေါ်လာလျက်မှ မိန်းကလေးနှစ်ယောက်စကားပြောဆိုနေကြသည်။
". . . . . . သွားစို့ ၊ အိပ်ချင်လိုက်တာသေတော့မှာပဲ ၊ ပြန်ရောက်ရင်အစီရင်ခံစာကရေးရဦးမယ်။"
"ဟုတ်ပြီ ၊ ဒါဆိုငါအင်္ကျီသွားလဲလိုက်ဦးမယ်။"
ကျန်သည့်တစ်ယောက်မှာ ပြောရင်းတန်းလန်းမှာပဲ တုံ့ဆိုင်းလို့သွား၏။
"ဟဲ့—- —- ဟိုမှာအဲ့ဒါ ငါတို့ဆေးပညာဌာနက ပင်မလေအေးပေးစက်ကြီးမဟုတ်လား?"
ရေခဲရိုက်ထားသလိုမျိုးလေ။
နှစ်ဦးသားပြောရင်းမှ ခြေလှမ်းတို့ကိုတုံ့နှေးလိုက်ပြီး ပြတင်းပေါက်မှတစ်ဆင့်အတွင်းသို့အမှတ်မဲ့လှမ်းကြည့်မိကြသည်။ လက်တွေ့စမ်းသပ်ခန်းထဲကလူအား အနှောက်အယှက်ပေးမိမည်စိုးသဖြင့် အသံတော့မထွက်ရဲ။
လက်တွေ့ခန်းတစ်ခုလုံး ဖုန်တစ်စက်ဟူ၍မရှိ ၊ စနစ်တကျဖြင့် အလွန်တရာကိုသေသေသပ်သပ်ရှိလို့နေပါသည်။
ထိုသူသည်ကား အရပ်ရှည်ကာ ခြေတံကရှည်ရှည်သွယ်သွယ်ဖြင့် ရုပ်ရည်ကလည်း အလွန်မှကိုထင်ရှားပေါ်လွင်လှရာ ဆေးပညာဌာနတစ်ခုလုံးတွင် နောက်ထပ်ဒုတိယတစ်ယောက်ထပ်ရှာလို့ပင်တွေ့မည်မဟုတ်တော့။ သို့တိုင် ဘာကြောင့်ရယ်မသိ ထိုလူ့အနားမကပ်ရဲရအောင်ရှိ၏ ၊ အထူးသဖြင့် ကိုယ်ထက်ကဂျူတီကုတ်အဖြူပင် ၊ ထိုသူဝတ်ထားချိန်၌ပိုလို့ပင် အကွာဝေးကြီးခြားထားသလိုခံစားရစေ၏။
လက်ဆန့်လို့ ပစ္စည်းလှမ်းယူချိန်၌ ခပ်ကျယ်ကျယ်အင်္ကျီလက်အတွင်းမှနေ လက်ကောက်ဝတ်တစ်ဝက်လောက်ကထွက်ပေါ်လာလျက် ၊ ကောင်လေး၏လက်ချောင်းတို့ကရှည်သွယ်ပြီး လက်ဆစ်တို့ကထင်းခနဲ။
YOU ARE READING
ဝေကျွမ်းရွှယ်ကျား (ဘာသာပြန်)
Teen FictionAuthor - 木瓜黄 (Mu Gua Huang). He Zhao x Xie Yu 贺朝 x 谢俞 Original title - 伪装学渣 / Wei Zhuang Xue Zha (ေက်ာင္းသားဆိုး အေယာင္ေဆာင္) / (ကျောင်းသားဆိုး အယောင်ဆောင်) Eng title - Fake Bad Students / Slackers ♦️|Myanmar Translation| Source - jjwxc