Operation: Secret Glances

Kabanata 1

Sinakop ko ang aking buhok dahil sa malakas paghampas ng hangin. Ramdam ko na rin ang basa kong leeg at batok buhat sa pawis galing sa init ng araw. Bitbit ang walis ting-ting ay lumakad ako palapit kay Cassie na nakaupo sa malaking bato habang hawak niya naman ang dust pan.

"Gosh! Kasalanan talaga 'to ni Ulrim!" reklamo ni Cassie habang nagpapaypay sa kanyang sarili.

"Nahuli nila tayo sa likod ng junior high building at nag-iinom kayo. Anong gusto mong gawin nila, hayaan tayo? Of course, isusumbong tayo!" I said and a little bit irritated too.

Umupo ako sa kanyang tabi para magpahinga na rin. Kanina pa kami rito bilang parusa. Well, kasalanan nga naman talaga ni Ulrim ang lahat. Sinabihan na namin siyang huwag ilabas ang alak pero ginawa pa rin at nag-inuman sila. Ako at si Cassie ay hindi naman talaga kasali. We are just hanging around them. But then we got caught by the student council for goodness sake!

"Lagot ako kay Abuelo nito!" aniya kaya napailing na lang.

"Lagot ka talaga..." pang-aasar ko pa kaya sumimangot ito sa akin.

Two years have passed and we're now at our senior high school level. Parehas kami ng strand ni Cassie dahil sabi niya ay kung saan ako ay doon na rin daw siya. Noong una ay sinabihan ko pa siya dahil baka magsisi ito sa huli. Pero halata naman na wala siyang pinagsisihan dahil halos iba-iba ang nagiging boyfriend nito sa STEM strand.

Ako naman ay hindi maitatanggi na naging bulakbol sa pag-aaral. I always get a low score on my test and even my grades. Tumataginting na mga palakol ang marka ko sa card. Wala namang ibang sinasabi si Tita Kilari pero alam kong nagtatampo iyon sa ginagawa ko.

I found a new barkadas on my senior-high. Nadagdagan kami ni Cassie. Naging lima na kami ngayon. Ulrim and Ulrid, the fraternal twins na pinsan ni Cassie. Mukhang pinadala dito sa Laguna dahil nagbubulakbol din sa Albay. At si Radin ay gano'n din. Galing din itong Albay at magkakaibigan na ang tatlo bago pa sila nakarating dito.

Hindi rin maitatanggi na naging kilala ang grupo namin hindi dahil sa matalino kami, kundi dahil laman kami lagi ng guidance office.

"O, tubig. Nakakahiya naman kasi. Alam kong minumura niyo na ako kanina pa..." natawa ako ng mahina sa ekspresyon na pinapakita ni Ulrim.

"Si Cassie lang 'yon," tipid kong sabi at tinanggap ang bottled water na binigay niya.

Pagkatapos ay pinagpatuloy namin ang ginagawa hanggang sa inabot na kami nang alas-tres sa oval kakalinis. Ang lagkit-lagkit na rin ng pakiramdam ko kaya binuksan ko ang dalawang butones ng aking blouse para naman makahinga ako sa init. I also bun my hair, at may iilang buhok ko pa ang nalaglag na hindi na kayang ipusod. Hinayaan ko na lang 'yon.

"Your time is already done. Go to the guidance office," malamig niyang sabi ngunit malambot ang boses.

I heard the three boys whistling.

Really? Wala namang kamangha-mangha sa babaeng 'to!

Tamad kong tiningnan si Angel. I smirked. Being a vice-president of student council makes her became a popular student, huh. It's been two years, pero ang nararamdaman ko sa babaeng 'to ay talagang nagbabaga. Naiinis ako sa kanya. Naiinis ako sa galaw niya at sa kahit anong ginagawa nito.

Everything about her!

"Sama ng tingin, ah. Galit na galit?" bumulong sa tainga ko si Cassie kaya sinamaan ko siya ng tingin.

"Shut up!" asik ko at tinalikuran na ang mga ito.

Hinagis ko pa kay Radin ang walis ting-ting na hawak ko. Agad niya naman itong nasalo at ngumisi tila alam na kung bakit ako biglang naging iritado.