Operation: Secret Glances

Kabanata 22

Nakarating kami sa Albancia na maraming bodyguards ang nasa labas ng malaking gate. Napalunok ako dahil totoo nga ang sinabi ni Amadeus na nandito lahat ng Contrejas. Masaya kaming sinalubong ng mga taong naroroon pero ang pagkailang ko sa katawan ay hindi ko mapigilan.

Nang mapansin kasi nila ang presensya ko ay natigilan ang lahat at para silang namamangha na may dinalang babae si Amadeus. Bumaling ang tingin ko sa matandang nasa wheelchair. At katulad ng iba ay mariin itong nakatingin sa akin. Seryoso at nakakaintimida.

Kahit alanganin ay ngumiti ako rito pero wala naman akong nakuhang kahit anong reaksyon mula sa kanya. Bigla tuloy akong kinabahan na baka ayaw sa akin nito pero ayaw ko rin naman na maging negatibo agad sa pagpunta ko sa Casa Contrejas.

"You okay?" tipid akong tumango kay Amadeus ng balingan ako nito.

"Hmm," sagot ko.

Dumiretso kami sa dining area at halos malula ako sa ganda ng chandelier na nasa kisami. Ang mahaba at napaka-eleganteng lamesa. Marami rin upuan dahil marami ang Contrejas. 

Bumaling ako sa tatlong lalaki na pamilyar sa akin. They are Amadeus cousin. Sila iyong pumunta sa bahay nila Amadeus na maganda ang sasakyan.

"It's really nice being us completed in this long table. Papa is really happy, Wilford..." ang lalaki na sa tingin ko ay kapatid ni Tito Wilford.

"We really had a plan to go here for vacation," matipid na sabi ni Tito Wilford.

"Well, can we know who's this beautiful lady here with us?" ang babae naman ang nagsalita.

"She's the girl I am courting, Tita. She's Milada Yamamoto..." Amadeus said politely and sounded so sure and proud.

Nakagat ko ang aking ibabang labi at nahihiyang ngumiti sa kanila.

"It's nice meeting you, Milada." Ani ng tita ni Amadeus.

"Ah, nice meeting you din po..." I said gently.

“Dude, pinipikot mo naman agad. Nanliligaw ka pa lang pala pero dinala mo na dito.” Sabi ng isa niyang pinsan.

“Shut up.” Si Amadeus na may halong ngisi sa labi.

Pinag-initan ako ng pisngi.

"Akala ko ay walang balak itong si Amadeus manligaw ng babae. Naghanda na nga si Papa na i-arrange marriage ito sa America." 

Natigilan ako sa narinig. Nilingon ko si Amadeus at kahit siya ay nagbago ang ekspresyon ng mukha nito.

"Tita, I didn't agreed in a fix marriage. Pakakasalan ko ang babaeng mahal ko hindi ang basta na pinili lang." Seryosong sabi ni Amadeus.

Nagtawanan ang matatanda. Nilingon ko si Tita Analyn at maliit siyang ngumiti sa akin.

"Hindi namin pinipilit si Amadeus dahil alam naman namin kung ano ang mga gusto niyang gawin sa buhay. Masaya kami na si Milada pala ang gusto niya. Milada is a good and a nice lady, everyone. I hope you will like her," si Tita Analyn kaya nahiya na ako ng tuluyan.

"Of course, Analyn! Kapag nagmahal ang isang Contrejas ay buo at hindi basta-bastang natitibag. The Contrejas are loyal and faithful." Sabi ng tita ni Amadeus.

Tipid akong ngumiti. Tuloy-tuloy na nag-usap sa hapag pero kahit isang beses ay hindi ko narinig na nagsalita ang lolo ni Amadeus. 

I wonder why? 

Kaya matapos ang kainan at naisipan na sa may garden sila pumunta ay doon lang ako nakakuha ng pagkakataon para makausap si Amadeus na kaming dalawa.