မေတ္တ နီတိ
🌸pann
Part (2)
" မမကြိုင်..မမကြိုင် "
ဆိုင်ထဲလူမတွေ့တော့ အသံလှမ်းပေးလိုက်သည်..။
" မမကြိုင်.."
" ဝေး.."
အိမ်နောက်ကနေတော့ ထူးသံပြန်ကြားပြီမို့ ထပ်မခေါ်တော့ဘဲ ဆိုင်ရှေ့မှန်ဘောင်ထဲမှာပြထားတဲ့နှုတ်ခမ်းနီတောင့်လေးတွေကို ခါးလေးကိုင်းပြီး မှန်ဘောင်ကိုလက်ညိုးလေးနဲ့ထောက်ရင်း ငေးကြည့်လိုက်သည်..။
ဘယ်အရောင်လေး ဝယ်ရင်ကောင်းမလဲ..။
ဘယ်အရောင်လေးနဲ့ငါနဲ့လိုက်လောက်မလဲ..။
" ဪ ဘယ်သူများလဲလို့..ဟီရိပါလား "
မမကြိုင်ရဲ့အသံကြားရပြီမို့ စိတ်ထဲပျော်လိုက်ပေမယ့် ဟီရိဆိုတဲ့စကားကြောင့်မျက်နှာကမဲ့မိပြီ..။
" မေပျိုလို့ပဲခေါ်ပါဆိုတာကို.."
" နင့်အဖေက ဟီရိပဲခေါ်တာကိုး.."
" အဖေခေါ်တိုင်းလိုက်ခေါ်ရအောင် မမကြိုင်ကအဖေ့မိန်းမမို့လို့လား.."
" ဟဲ့..ဘယ်လိုပြောလိုက်တာလဲ သူများကြားရင် တစ်မျိုးထင်ကုန်တော့မှာပဲ "
ကိုယ်ကခုမှအပျိုနုနုထွတ်ထွတ်..။
ဘယ်ယင်ဖိုမှလည်းသမ်းဖူးတာမဟုတ်တဲ့ အသစ်စက်စက်ကလေး..။
ကိုယ့်ဂုဏ်နဲ့ကိုယ်နေတာ..မဟုတ်မဟပ်တွေပြန့်သွားရင် ကိုယ်အနှစ်နှစ်အလလတည်ဆောက်ထားတဲ့အရာတွေက သဲထဲရေသွန်သလိုဖြစ်သွားရင် ကိုယ်ပဲနစ်နာမှာ..။
ဒီကောင်မလေးနှယ်..စကားပြောရင်ရှေ့နောက်ကြည့်မပြောဘူး ။
ပြီးတော့ဆရာက ဆရာဂုဏ်နဲ့မို့ဒီနယ်တစ်ဝိုက်ကလူတွေ အကုန်ဆရာ့ကိုဂါရဝေါစရှိကြပြီးသား..သူ့သမီးစကားကြောင့် ဂုဏ်ရည်ပျက်အုံးမယ် ။
" အဲ့ဒါဆိုလည်း မေပျိုမကြိုက်တဲ့နာမည်ကြီးမခေါ်နဲ့ပေါ့.."
တကယ်အဟုတ်ကိုမကြိုက်တာ..။
ဟီရိမေပျိုတဲ့..အရှက်ရှိတဲ့မိန်းမပျိုကောင်မလေးပါပေါ့ ။
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...