မေတ္တနီတိ
🌸pann
Part (23)
" ဟီရိမေပျို ပြီးပြီလား.."
" လာပြီ.."
မေပျို အခန်းထဲကနေပြေးထွက်သွားလိုက်သည်..။
" ထပ်ပြီး ဂါဝန်ဝတ်လာပြန်ပြီလား..အဲ့ဂါဝန်စတွေသိမ်းနေရတာက အလုပ်တစ်လုပ်ဖြစ်အုံးမယ် ဘောင်းဘီသွားလဲချည်.."
" မေပျို့မှာဘောင်းဘီက ရှော့ပင်လောက်ပဲရှိတာ.."
" အဲ့ဒါလည်း ဘောင်းဘီမဟုတ်ဘူးလား.."
" နည်းနည်းများရုပ်ဆိုးမလားလို့.."
" ရုပ်ဆိုးတာချောတာဂရုစိုက်ရအောင်လည်း ဒီနားမှာမင်းကိုဘယ်သူမှမငေးဘူး..သူ့အလုပ်နဲ့သူတောင်မအားကြဘူး..အဲ့သည်လောက်ထိ လှချင်မနေနဲ့ သွား..သွားပြန်လဲ "
မေပျိုနှုတ်ခမ်းဆူပြီး အခန်းထဲပြန်ဝင်ခဲ့ရသည်..။
ဘောင်းဘီဆိုလို့သိပ်မရှိပါဘူးဆိုနေ..ထဘီတောင်မေပျိုက သိပ်ဝတ်တာမဟုတ်ဘူးရယ်..ဂါဝန်ပဲများတာကို ။
" ဟီရိမေပျို မြန်မြန်လဲခဲ့နော်..မင်းအဝတ်လဲတာနဲ့တင် နေမြင့်တော့မယ် "
လူကိုအော်ဖို့ပဲသိတယ်..။
မေပျိုဗီဒိုမွှေရင်း စပန့်သားညအိပ်ဝမ်းဆက်သုံးထည် ပါလာသေးတာမြင်တော့ ပျော်သွားရသည်..။
ဒီကိုမလာခင်က မမကြိုင်ကဆယ်ထည်စီးတွေရောင်းလို့ အဖေကမေပျိုအတွက်သုံးထည်ဝယ်ပေးလာတာတဲ့..။
အတော်ပဲ..အသစ်ကြီးတွေပေမယ့်တစ်ထည်ဝတ်ချလိုက်တော့မယ် ။
ရှော့ပင်ကြီးတွေထက်စာရင် အရှည်ကပိုမကောင်းဘူးလား..။
မေပျိုလဲဝတ်ပြီး ပြန်ထွက်လာတော့ လူကြီးကခါးထောက်ရင်း လက်ကနာရီငုံ့ကြည့်နေတာတွေ့ပြီ..။
အေးဆေးပေါ့.. ဘာလို့လောနေမှန်းမသိဘူး။
" မပြီးတော့ဘူး မင်းဟာက..သွားမယ် လာ.."
" ဟုတ်.."
မေပျိုတို့အိမ်ကနေထွက်ခဲ့လိုက်သည်..။
" ဪ..အိမ်တံခါးတွေစေ့ခဲ့ဖို့မေ့နေတယ်.. ဟီရိမေပျို မင်းအရင်သွားနှင့်လိုက်..ခြံမှာပေါက်စီရှိတယ် "
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...