မေတ္တနီတိ
🌸pann
Part (21)
မေပျို ခုမှအိမ်သာထဲဝင်ရသည်..။
ဒါတောင် အခန်းထဲနေတဲ့ချိန်အဲ့လူကြီးကတံခါးခေါက်ပြီး ' သွားတော့ ရပြီ ' လို့လာပြောတာ..။
အဲ့လိုအော်မှ မေပျိုအခန်းထဲကထွက်ရဲသည်..မျက်နှာသစ်မယ်တွေးကာမှ ဗိုက်ရစ်လာလို့ အိမ်သာခန်းဘက်ပြန်သွားရပြန်သည်..။
မေပျို ဘယ်အခန်းဝင်ဝင် တံခါးလော့ခ်ချပြီးပဲ ဝင်ရဲသည်..ဒါတောင် တံခါးလာခေါက်မှာစိုးနေရသေးသည် ။
ကိစ္စရှင်းပြီး လက်ဆေးခြေဆေးမျက်နှာသစ်ကာ ဂုတ်ကိုရေဆွတ်ရသေးသည်..ညကကားစီးလာတာမို့ လူကမလန်းလည်းမလန်းသလို ခေါင်းကြီးလည်း လေးနေတယ်ထင်နေရတာမို့..။
အားလုံးပြီးတော့မှ ထွက်ခဲ့တော့ တစ်ဖက်အခန်းဖွဲ့မှာ ထမင်းစားဖို့ခင်းကျင်းနေကြပြီ..။
" ဟီရိမေပျို "
မေပျိုကိုခေါ်လို့ လှည့်ကြည့်ရသေးသည်..။
" ရေမချိုးလာသေးဘူးလား.. "
မေပျို ကိုယ့်ပုံစံကိုယ်ငုံ့ကြည့်မိသည်..ကြည့်ရများဆိုးနေလား အနံ့သက်တွေများမကောင်းနေဘူးလား ။
" ရေချိုးလာမယ်ထင်တာ..သွား မျက်နှာသွားသုတ်ပြီး ပြန်လာခဲ့..မနက်စာစားမယ် "
မေပျို ခေါင်းညိတ်ပြကာ ထွက်လာခဲ့လိုက်သည်..။
လူကြီးပြောသလို မျက်နှာသုတ်ပြီးပြန်သွားမို့တွေးပေမယ့် ညကကားစီးလာတာကြောင့်အနံ့များ ထွက်နေမလားတွေးပြီး အဝတ်ပြန်လဲကာ အိတ်ထဲထည့်လာတဲ့ခေါင်းဖြီးငိုထုတ်ပြီး ခေါင်းဖြီးလိုက်ရသေးသည်..။
ပြီးမှ အခန်းထဲကနေထွက်ကာ ထမင်းဝိုင်းဆီသွားလိုက်သည်..။
" လာ..ထိုင် "
လူကြီးမေးဆတ်ပြတဲ့နေရာမှာ ဝင်ထိုင်လိုက်သည်..။
" ပေါက်စီရေ..ပြီးသေးဘူးလား "
" လာပြီအစ်ကိုရေ..နွှေးနေသေးလို့ကြာနေတာ"
နောက်ခန်း(မီးဖိုချောင်) ကနေ ပေါက်စီဆိုတဲ့သူက ပန်းကန်လုံးကိုထိန်းမလာရင်း ထွက်လာသည်.. ။
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...
