မေတ္တနီတိ
🌸pann
Part (6)
မမကြိုင်တို့ဆိုင်ရှေ့မှာ စက်ဘီးဒေါက်ထောက်ရပ်ခဲ့ပြီး ဆိုင်ထဲပြေးဝင်သွားလိုက်သည်..။
" မမကြိုင်ရေ.."
" ကျုပ်ရှိပါတယ် ဒီမှာ.."
" အဟီး.."
ဆိုင်ထဲကိုမကြည့်ဘဲ အော်ခေါ်နေတာ..မမကြိုင်က ဆိုင်တွင်းထဲမှာသူ့ဖုန်းနဲ့ဇာတ်ကားကြည့်ရင်း လက်သည်းနီဆိုးနေတာ..။
" ဘာကားကြည့်နေတာလဲ.."
အနားသွားပြီး ဖုန်းကိုအရင်စပ်စုမိသည်..။
" ခုထွက်နေတဲ့ ကိုးရီးယားကား ဒေါင်းထားတာ.."
ဘယ်သူတွေမှန်း ဘယ်လိုဇာတ်ကားမှန်းမသိပေမယ့် ဒီတိုင်းစပ်စုရုံလေးကြည့်နေမိတာ..။
အိမ်မှာအဖေက tv တွေ ဇာတ်ကားတွေသိပ်ကြည့်ခိုင်းတာမဟုတ်ဘူး..စာပဲလုပ်တဲ့ ။
စာမလုပ်နေလည်း မကြည့်ဖြစ်တာများပါတယ်..အိမ်မှာက မနက်ကျောင်းသွား ညနေပြန်လာရင်ကျူရှင်သင် ညကျတော့လည်းကျူရှင်မို့ tv ဖွင့်ချိန်ကိုမရှိနေတာ ။
အဲ့ဒါကြောင့် အိမ်မှာ tv ရှိနေလည်းဖွင့်မကြည့်သလောက်ပါပဲ..။
ဇာတ်ကားကိုစပ်စုကြည့်နေလည်း ကိုယ်နဲ့ရင်းနှီးကျွမ်းဝင်ပြီး စိတ်ဝင်စားတဲ့အပိုင်းလည်းမဟုတ်နေတော့ အကြည့်လွှဲပြီး မမကြိုင်လက်သည်းဆိုးနေတာကို ကြည့်မိသည်..။
မမကြိုင်ကလက်သည်းအရှည်ထားပြီး အသားရောင်လိုလို မိတ်ကပ်ရောင်လိုလို လက်သည်းရောင်လေး ဆိုးနေတော့လည်းလက်လေးကလှသား..။
မမကြိုင်လက်ကိုကြည့်ရင်း ကိုယ့်လက်ကိုယ်ပြန်ငုံ့ကြည့်မိသည်..ပကတိလက်သည်းရောင်ဖြစ်နေတဲ့ပြင် တုံးတိပြီးတိုတိုကြီးနဲ့ မလှနေ..။
အရောင်လေးများဆိုးရင်လှမလားနော်..။
" မမကြိုင်.."
" ပြော.."
" မေပျိုလည်း အဲ့ဒါဆိုးကြည့်ချင်တယ်..ရလား.."
" ဟင်..ဘယ်ဟာလဲ "
" အဲ့လက်သည်းရောင်လေးကိုပြောတာ.."
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...