မေတ္တနီတိ
🌼pann
Part (31)
မေပျို မနက်အိပ်ရာနိုးကတည်းက လူကြီးကိုမတွေ့မိသေး..။
မနက်စာ စားတော့လည်း လူကြီးကိုမတွေ့သေးတာနဲ့ ကိုပေါက်စီကိုမေးရသည်..။
" ကိုပေါက်စီ.. ဦးဒီပ ဘယ်သွားတာလဲ..မနက်ကတည်းက မတွေ့ဘူး "
" အစ်ကို နွားချေးသွားကြည့်တယ်.."
" ဟင်..နွားချေးသွားကြည့်တယ် "
" ဟုတ်တယ်လေ..ခြံထဲကနွားချေးတွေကုန်တော့မယ်မလား ပြီးတော့အဲ့အသုတ်ကနွားချေးတွေကသိပ်မကောင်းဘူး..မြေကြီးအရောတွေပါနေတာများလို့ ဒီတစ်ခါတခြားခြံကနေထပ်ရှာဖို့အစောကြီးထွက်သွားတာ.."
" မနက်စာတောင်မစားဘဲနဲ့ အစောကြီးထွက်သွားတယ်ပေါ့.."
" ဆိုင်တစ်ဆိုင်မှာ ဝင်စားခဲ့မယ်ပြောခဲ့တာပဲ.."
" ဪ.. "
မေပျိုထပ်မမေးဘဲ စားစရာရှိတာဆက်စားနေလိုက်သည်..။
ပြီးမှ..
" ဒီနေ့မှိုစိုက်မှာလား.."
" အင်း..ဒီနေ့အသစ်ထပ်စိုက်မှာ "
" မေပျိုလည်း လိုက်မယ်.."
" ခြံထဲလား..ရတယ်လေ လိုက်ခဲ့ပေါ့ "
ဒီတိုင်း အပျင်းပြေလိုက်ကြည့်ဖို့ပြောတယ်ထင်ခဲ့တာ..။
" မေပျို..ပန်းကန်ဆေးလိုက်မယ် ပေး..ပေး "
ပန်းကန်တွေကို မေပျိုပဲသိမ်းပြီးမေပျိုပဲဆေးပေးပြန်သည်..။
" ကိုပေါက်စီ ခြံထဲမဆင်းနှင့်နဲ့နော်..မေပျိုလည်းလိုက်မှာ "
" စောင့်နေပါတယ်ဗျာ.."
ကိုယ်ပဲစိတ်ထင်နေတာလားမသိပါဘူး..ဒီနေ့ ဟီရိမေပျိုတစ်ယောက် ခါတိုင်းထက်ပိုတက်ကြွနေသလိုပါ ။
" ခဏစောင့်..မေပျို အဝတ်လဲအုံးမလို့ "
အော်ပြောရင်း သူ့အခန်းထဲပြေးဝင်သွားပြန်သည်..။
တအောင့်နေတော့ ဝတ်ထားတဲ့ဂါဝန်ကိုပြောင်းခဲ့ပြီး ဘောင်းဘီရှည်နဲ့ချည်ထည်တစ်ထည်တွဲဝတ်လာသည်..။
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...