မေတ္တနီတိ
🌸pann
Part (16)
တနင်္ဂနွေနေ့..။
မေပျိုတို့အိမ် ခြောက်ကပ်နေသည်..။
အဖေကလည်း လှုပ်ရှားမှုမရှိ ငြိမ်သက်နေသလို မေပျိုလည်းအခန်းထဲကမထွက်..။
နှစ်ယောက်တည်းရှိတဲ့အိမ်မို့ နဂိုကတည်းက ခြောက်ကပ်နေပေမယ့် အခုလောက်ခြောက်ကပ်ပြီး တိတ်ဆိတ်နေတာကိုတော့မကြုံဖူး..။
ဒါပေမယ့် မနေ့ကမနက်ထိလိုပုံစံမျိုး ပြန်ဖြစ်ဖို့ မေပျိုမလုပ်ချင်နေ..အဖေနဲ့လည်းသွားမညှိချင် ။
ကိုယ့်ဘာသာကိုယ်ပဲ အခန်းထဲအောင်းချင်နေသည်..အောက်ထပ်မှာဘာဖြစ်နေသလဲ အပြင်မှာဘယ်လိုတွေဖြစ်နေပြီလဲ မေပျိုမသိချင် ။
မေပျို သိနေတာတစ်ခုထဲက မေပျိုဂရုစိုက်နိုင်တဲ့တစ်ခုထဲသောက ဉာဏ်နဲ့မဝေးဖို့ပဲ..။
အချိန်ရှိတိုင်း နှလုံးသားထဲကရော နှုတ်ခမ်းပါးကပါ ရွတ်နေမိတဲ့အရာတစ်ခုက ဉာဏ်နဲ့မဝေးပါရစေနဲ့..။
မေပျို ဉာဏ်နဲ့ဝေးရမှာ သိပ်ကြောက်သည်..။
ဉာဏ်နဲ့သာဝေးရရင် မေပျိုတော်တော်လေး ခံစားရမှာ..။
မေပျိုဝေးရတဲ့ဝေဒနာကြီးကို ထပ်မခံစားနိုင်..အဲ့လိုခံစားရမှာကို မေပျိုသိပ်ကြောက်သည်။
' ဉာဏ်..ဉာဏ်တော့ မေပျိုကိုမထားခဲ့ဘူးမလား..ဉာဏ်တော့ မေပျို့အနားမှာပဲနေမယ်မလား..လူကြီးတွေဘာပြောပြော ရှေ့ဆက်သွားမှာပဲမလား..ဟုတ်တယ်မလား '
အိပ်ယာထဲမှာ ရွတ်နေမိတာက ဒီတစ်ခုသာ..။
" ဒေါက်..ဟီရိ ထမင်းလာစား "
အပြင်မှာ အဖေ့အသံကြားသည်..။
ဟင့်အင်း..လာမစားနိုင်ပါဘူး ။
ဒီလိုလာချော့ရုံနဲ့ အဖေ့ကိုပြန်စိတ်ပြေမယ်များမှတ်နေလား မသိဘူး..။
ဉာဏ်နဲ့ဖြတ်ဖို့ပြောတာရော မေပျို့ကိုရိုက်ဖို့လက်ရွယ်တာရော မေပျိုတစ်ခုလေးတောင်မမေ့ဘူး..။
" ဒေါက်..ဒေါက်..ဟီရိမေပျို "
ဟွန့်.. ။
နှုတ်ခမ်းမဲ့ပြီး တစ်ဖက်လှည့်ကာ စောင်ကိုခေါင်းထိဆွဲခြုံလိုက်သည်..။
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...
