မေတ္တနီတိ
🌸pann
Part (3)
" ညီမ..မညှပ်တာပိုကောင်းမယ်နော် ညီမဆံပင်ကတိုနေတော့ ညှပ်လိုက်ရင်တအားတိုသွားမှာ.."
ဆိုင်ကိုလည်းရောက်နေပြီ..။
မှန်ရှေ့မှာလည်း ထိုင်ပြီးနေပြီ..။
ဝတ်ရုံကိုလည်း ကိုယ်ပေါ်မှာလွှားထားပြီးပြီ..။
ညှပ်ပါ ညှပ်ချင်ပါတယ်လို့လည်း အခါတစ်ရာမကပြောပြီးပြီ..။
ဒါကိုခုထိ ကိုယ့်ဆံပင်ကိုဘေးကနေဖွကြည့်လိုက် နောက်မြှီးလေးကိုဖွကြည့်လိုက် ရှေ့ဆံပင်တိုင်းကြည့်လိုက်လုပ်နေတုန်း..။
ပါးစပ်ကလည်း မညှပ်သေးပါနဲ့လို့ပြောနေတာ ဘယ်နှခါရှိနေပြီမှန်းကိုယ်လည်းမရေနိုင်တော့ဘူး..တကယ်ကိုများနေပြီမှန်းတော့သိပါတယ် ။
" အခုပဲညှပ်ချင်တာ..အစ်မမညှပ်နိုင်ရင်လည်းရတယ် နောက်တစ်ဆိုင်ပြောင်းထိုင်ရုံပဲရှိတယ်.."
ပြောရင်း ဝတ်ရုံချွတ်ကာထတော့မှ အသည်းသန်လူကိုတားတော့တယ်..။
" မဟုတ်တာ..ညှပ်ချင်လွန်းတယ်ဆိုလည်း ညှပ်ပေးပါ့မယ်ညီမရယ်..ထိုင်ပါ.."
ထိုင်လို့ပြောပေမယ့် ထိုင်ဖို့မလုပ်ခင်အပြတ်ပြောရအုံးမယ်..။
ပြန်ထိုင်ပြီးမှ စောနကဇာတ်လမ်းပြန်စလာရင် သက်သက်အချိန်ကုန် စိတ်ဒုက္ခရောက်ရတာပဲအဖက်တင်မှာ..။
" ညှပ်ပေးမှာသေချာလို့လား..ပြီးမှ ဟိုပြောဒီပြောဆို ခုကတည်းကညှပ်ပေးမနေပါနဲ့ တစ်ခါထဲတခြားဆိုင်ပဲပြောင်းထိုင်တော့မယ်..ဆံပင်ညှပ်ချင်လို့ ဆံသဆိုင်လာတာ နားညီးခံဖို့ဒီလာတာမဟုတ်ဘူး အိမ်ပြန်ရောက်ရင်လည်း ထပ်နားညီးရမယ့်ကိစ္စလည်းရှိပါသေးတယ်ဆို ဒီမှာပါညှော်နေရင်တော့မခံနိုင်ဘူး.."
" အစ်မပဲညှပ်ပေးပါ့မယ်..ထိုင်ပါ ညီမရယ်.."
" သေချာပါတယ်နော်.."
တိကျသေချာမှုပဲလိုချင်တယ်..။
" သေချာပါတယ် ညီမရယ်..ထိုင်ပါ "
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...
