မေတ္တနီတိ
🌼pann
Part (34)
" အ့..အ့..အိုး..ဝိုး..အမေ့ရေ့..."
ကျွန်တော်အိမ်ထဲရောက်တော့ ဟီရိမေပျို အော်သံကြားရတာမို့ ကိုယ့်လုပ်စရာရှိတာတန်းမလုပ်သေးဘဲ ဟီရိမေပျိုရှိတဲ့နေရာဆီသွားလိုက်သည်..။
" ဖောက်...အမေး..ဟေးဟေး.."
မီးဖိုချောင်မှာ ဇွန်းကြီးကိုင်ပြီးအော်ဟစ်ခုန်ပေါက်နေတဲ့ ဟီရိမေပျိုကိုတွေ့ပြီ..။
မီးဖိုခန်းလေးတစ်ခန်းထဲကို သူပတ်ပြေးနေတာကမရောက်သေးတဲ့ နေရာများကျန်ပါအုံးမလား..။
ဟင်းချက်တဲ့သူကလည်း ဒယ်ပိုင်းနဲ့မိုင်တစ်ရာအဝေးမှာ..။
ဟင်းအိုးကဖြင့် ဆီပူတွေခုန်ထွက်ပြီး မီးခိုးတောင်စထွက်လာနေပြီ..။
" ဖောက်.. "
ဒယ်အိုးကဆီတွေကလည်း တဖောက်ဖောက်နဲ့မြည်နေတာမို့ ကျွန်တော်ပဲမီးကိုအရင်ပြေးပိတ်လိုက်ရသည်..။
ကျွန်တော်မှမချရင်လည်း အိမ်တစ်အိမ်လုံးမီးခိုးတွေနဲ့ပြည့်တော့မည်..။
" ဖောက်..ဖောက်.. "
" ဦးဒီပ ဆီပူစင်မယ်နော်.. "
ကျွန်တော် ဒယ်အိုးနားသွားတော့လူကိုလှမ်းမှာနေတာ..။
စိတ်ပူပေးတာလား..။
ဒါဆိုရင်တော့ ကျေးဇူးတင်စရာပေါ့လေ..။
" ပေး..လက်သုတ်ဝတ် "
" ဟင်..အင်..အင်း "
ယောင်ရမ်းပြီးကိုင်မိထားတဲ့ လက်သုတ်ဝတ်ကိုနေရာမှာတင်ပဲရပ်ကာ လက်ကိုပဲရှေ့တိုးပြီးလူကြီးကိုလှမ်းပစ်ပေးလိုက်သည်..။
" မှန်မယ်နော်.. "
" ရတယ်.. "
လူကြီးက ဒယ်ပိုင်းကိုမီးပေါ်ကနေချလိုက်သည်..။
" ဒါ..ဘာကြော်နေတာလဲ "
အရောင်ကမဲနေတော့ ဘာမှန်းကောင်းကောင်းခွဲမရတော့ မေးလိုက်ရသည်..။
" ကြက်ဥလေ.. "
" အဟွင့်..မင်းကြက်ဥကလည်း သူ့ဂုဏ်ရည်တောင်ပျက်နေပြီ "
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...