မေတ္တနီတိ
🌸pann
Part (13)
မေပျိုတစ်ယောက်ထဲ အခန်းထဲမှာ ခြေများပြီးလောနေရသည်..။
ကျူရှင်ချိန်စဖို့ကနီးနေပြီ..ဉာဏ်ကလာတော့မယ် ။
သူ့ရှေ့မှာလှတပတလေးနေချင်တာ..မနက်ကတည်းက တွေးထားပြီးသား ရေချိုးခေါင်းလျှော်မယ် သနပ်ခါးလိမ်းမယ် အင်္ကျီလှလှလေးဝတ်မယ်..။
အားလုံး ကိုယ့်အစီစဥ်နဲ့ကိုယ် အံဝင်ဂွင်ကျရှိပြီးသား..။
အဲ့လိုချိန်မှ ဝင်ဖျက်တာအိမ်ကအဖေ..။
ဒီနေ့မှ အိမ်သန့်ရှင်းရေးလုပ်ကြမယ်ဆိုပြီး မေပျိုကိုပါ ကူခိုင်းတာ..။
အိမ်ကိုမသန့်ရှင်းရတာကြာပြီဆိုပြီးလေ..။
အိမ်ရှေ့ကခုံတွေဖယ် ဂျိုဂျောင်ကြားတွေကအစမကျန် တံမြက်စည်းနဲ့လှည်းထုတ်..အဖေက အထပ်မှာကပ်နေတဲ့အိမ်မြှောင်အိမ်တွေကို တံမြက်စည်းအရှည်နဲ့ အောက်ကနေလှမ်းလှည်း..။
ဖုန်တက်နေတဲ့ပစ္စည်းတွေကိုလည်း ဖုန်သုတ်..လွှတ်ပစ်တန်တာလွှတ်ပစ် ထားသင့်တန်တာကိုထားပြီး ပြန်လည်သိမ်းဆည်းရသေးတယ်..။
ဆေးကြောသင့်တာတွေလည်းယူပြီးဆေးကြော..ပြီး သူ့နေရာသူပြန်ထား ။
ကြမ်းလည်းတိုက်..။
အို..တနေကုန်နီးပါး အလုပ်တွေရှုပ်နေတာပါ။
သန့်ရှင်းလက်စနဲ့ အိပ်ခန်းတွေပါသန့်ရှင်းကြမယ်ဆိုတော့ စောင်တွေအခင်းတွေပါ ဆွဲထုတ်ပေးရသည်..။
အဖေကတော့ ဒိုင်ခံလျှော်..။
ကျူရှင်ချိန်နီးလေ မေပျိုကပိုအလျင်လိုလေ..မြန်မြန်လည်းပြီးချင်နေလေ ။
အမြန်လိုအနှေးနဲ့တွေ့ဆိုသလို တစ်ခုလုပ်ရင်တစ်ခါထဲနဲ့မပြီးသွား..အပြန်ပြန်လုပ်နေရတာနဲ့အချိန်ကပိုလင့် ။
စိတ်တွေမရှည်ဆို..။
ဒါတောင် ကျူရှင်ချိန်ရောက်ဖို့နာရီဝက်အလိုလောက်မှ ကြိုပြီးလို့..။
" ဟီရိရေ..လက်ဆေးပြီးထမင်းစားရအောင် "
" ဟင့်အင်း...ရေချိုးလိုက်အုံးမယ် "
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...
