မေတ္တနီတိ
🌸pann
Part (9)
မေပျို စက်ဘီးကိုပုံမှန်ထက်နည်းနည်းပိုပြီးနင်းနေတာ..မနင်းလို့လည်းမဖြစ်သေးဘူးလေ..ဒီနေ့ကမေပျိုရဲ့အသင်းတာဝန်ကျတဲ့နေ့..။
ဒီနှစ်တော့မေပျိုက ဗန္ဓုလ အပြာသင်းပါတဲ့..။
မနှစ်ကဖြစ်ချင်လွန်းခဲ့တဲ့အပြာသင်းက ဒီနှစ်မှလာပြီးအပြာသင်းကျလို့ပါ..။
တစ်ခါတလေ နောက်ကျလွန်းနေမှကိုယ်လိုချင်တဲ့အရာကို ပိုင်ဆိုင်ခွင့်ရလည်း ပျော်ရွှင်ပြီးရင်ခုန်စိတ်လှုပ်ရှားရတာတွေ နတ္ထိဖြစ်သွားတတ်တယ်..။
ခံစားချက်တွေက ဗလာကျင်းနေတတ်တယ်..။
လိုချင်လွန်းတဲ့အရာကိုရလည်း ခံစားချက်တွေက ရေပြင်ညီလိုငြိမ်သက်နေသည်..လွန်သွားခဲ့ပြီလေ အချိန်တွေက ။
အချိန်တွေလွန်သွားခဲ့ပြီးမှ လိုချင်တာပေးလည်း မလိုအပ်တော့ဘူးလေ..။
အစ်ကိုက ခုဆိုအဝေးမှာပျော်နေလောက်ရောပေါ့..ထပ်ပြီးနီးစပ်ဖို့အကြောင်းလည်း မတွေ့ပါဘူး ။
" ဟေ့..ဟီရိမေပျို "
အတွေးတွေလွန်နေတဲ့ချိန် အနောက်ကနေကြားရတဲ့အသံကြောင့် လှည့်ကြည့်လိုက်သည်..။
ဉာဏ်ထက်..။
ဉာဏ်ထက်က ပြုံးပြရင်းစက်ဘီးကိုအရှိန်တင်မောင်းရင်း မေပျိုနားကပ်လာသည်..။
" နောက်ကကြည့်နေတာ..ဟီရိမေပျိုဟုတ်လား မဟုတ်လားနဲ့ "
" ဘာဖြစ်လို့လဲ.."
" ဘာမှမဖြစ်ဘူး..ကျောင်းသွားရင်းစကားပြောဖော်ရှာနေတာ လမ်းမှာကျောင်းသားကျောင်းသူတွေသိပ်မရှိတော့ ငါလန့်လို့.."
" ဟင်.."
" ဒီနေ့ နင့်အသင်းနေ့မလား.."
" အင်.."
" ငါရော..ကျောင်းစောစောလာရတော့ တစ်လမ်းလုံး ငါတစ်ယောက်ထဲဆိုတော့ကြောက်တာပေါ့..အကြောက်ပြေအောင် စကားပြောဖော်ရှာနေတာ "
" ဟမ်..နင်ကကြောက်တယ် "
" အင်းဟွင်း..ကြောက်တယ်လေ ဘာဖြစ်လို့လဲ.."
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...