မေတ္တနီတိ
🌸pann
Part (19)
" ဟာ..မေပျိုကဘာလို့သွားရမှာလဲ "
ထမင်းစားပြီး ဧည့်ခန်းခဏလာခဲ့အုံးပြောတော့ မေပျိုသွားထိုင်လိုက်သည်..။
ထပ်ပြီးနိုင်ဝင်းနဲ့ဖြတ်လို့ပြောမယ်မှတ်နေတာ..ပြောလည်းနားထောင်ဖို့စိတ်ကူးမရှိပါဘူး နိုင်ဝင်းကရန်သာဖြစ်တာ ကျန်တာတော့မေပျို့အပေါ်ကောင်းရဲ့သားနဲ့ မေပျိုကသူနဲ့ဘာလို့ဖြတ်ရမှာလဲ..။
ပြီးတော့လည်း နိုင်ဝင်းကမေပျို့ကိုသိပ်ချစ်တာကြီး..သူ့အသည်းကိုမခွဲရက်ပါဘူး ။
မေပျိုလည်းသူ့ကိုသံယောဇဥ်ရှိနေပါပြီ..ဒါကိုထပ်ပြီးမခွဲကြပါနဲ့တော့ ။
ကိုယ့်မှာတော့ အဖေကဖြတ်ခိုင်းရင်ဘယ်လိုစကားပြောပစ်မယ်ဆိုပြီး စကားလုံးစီနေသလောက် ပြောလာတာက စစ်ကိုင်းသွားနေတဲ့..။
ဘာကိစ္စမေပျိုက စစ်ကိုင်းသွားရမှာလဲ..။
မသွားနိုင်ပါဘူး..အသိမရှိအချစ်မရှိတဲ့နေရာမှာ ။
မသွားဖို့အပြတ်ပြောပြီး ခုံကနေထလိုက်သည်..။
" ပြန်ထိုင်စမ်း ဟီရိ.."
" အဖေ့ "
" ငါ ညည်းအဖေမှန်းသိသေးရင် အဖေစကားနားထောင်..တက္ကသိုလ်တက်ရင်လည်း ညည်းစစ်ကိုင်းမှာပဲတက်ရမှာ ဟိုမှာနေဖို့ထိုင်ဖို့ကအစငါပြင်ပေးပြီးသွားပြီ..အားလုံးပြောဆိုပြီးသွားပြီ မနက်ဖြန်လောက်ဆိုညည်းကိုလာခေါ်လိမ့်မယ် အဝတ်စားတွေအကုန်အဆင်သင့်ထည့်ထား.."
မနက်ဖြန်ပါတဲ့..။
လူကိုငြင်းဆိုခွင့်တောင်မပေးဘဲ အဖေ့စိတ်ကြိုက်လုပ်ချလာတာ..ဒါ ဖြစ်သင့်လား။
" မေပျို့သဘောထားတောင် မမေးဘဲ ဒီလိုလုပ်လာတော့ ကောင်းသလား.."
" ဘာ..သဘောထား ဟက်လား..ညည်းကရောဘယ်တုန်းကများ ဒီအဖေရဲ့သဘောဆန္ဒတွေ လိုက်လျောပေးခဲ့ဖူးလဲ..ဖအေကဒါမကြိုက်ရင် ညည်းအလိုက်တသိနဲ့ရှောင်သွားပေးလား တည့်တည့်ကြီးကိုနင်းချတာလေ..ပြောပါအုံး..ဘယ်သူကဘယ်သူ့သဘောထားကို ဆန့်ကျင်နေတာလဲဆိုတာ "
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...
