မေတ္တနီတိ
🌼pann
Part (33)
မေပျိုတို့မင်္ဂလာပွဲက ကျောင်းကသူတွေလာတော့လာကြပေမယ့် သိပ်မများ..။
ကျော်စောလည်းမလာပါဘူး..။
မလာကြလည်းဘာမှမဖြစ်ပါဘူး..ဖိတ်စာတော့သူတို့တွေမြင်ထားကြပြီးပြီပဲ ။
မင်္ဂလာပွဲလေးကတော့ အေးအေးချမ်းချမ်းလေးပြီးသွားပါသည်..။
ဘုန်းကြီးကျောင်းမှာ အားလုံးကိုသေချာသန့်ရှင်းရေးလုပ်ပေးခဲ့ပြီးမှ မေပျိုတို့တွေအိမ်ပြန်လာခဲ့ပါသည်..။
အိမ်ရောက်တော့မှ မေပျိုတို့အဖေ့ကိုအတူကန်တော့လိုက်သည်..။
" ဒီလင်ဒီမယား အိုအောင်မင်းအောင်ပေါင်းဖက်ရပါစေ..အနာတရကင်းရှင်းပြီး အချင်းချင်းဖေးမကူညီစောင့်ရှောက်နိုင်ပါစေ..သားတွေသမီးတွေနဲ့သိုက်သိုက်ဝန်းဝန်းရှိတဲ့မိသားစုလေး ပိုင်ဆိုင်ရပါစေ..စီးပွားလာဘ်လာဘတွေလည်း တိုးတက်ကြီးပွားပါစေ.."
" ပေးတဲ့ဆုနဲ့ပြည့်ပါစေ.."
" ခုကစ အချင်းချင်းဖေးမစောင့်ရှောက်သွားကြနော်..သားကလည်းငါအကြီးငါပြောတာအမှန်ဆိုပြီး တစ်ဖက်သတ်ဆုံးဖြတ်ချက်မချရဘူး..ဘာမဆိုနစ်ယောက်အတူတိုင်ပင်.. "
" ဟုတ်ကဲ့.. "
" သမီးကလည်း သားကိစ္စဆိုပြီးလက်လွှတ်စပယ်မပစ်ထားရဘူး..ကိုယ့်စိတ်ကြိုက်ကိုယ့်သဘောအတိုင်းမနေရဘူး ကိုယ်လုပ်ချင်တာဖြစ်ချင်တာရှိရင် သားနဲ့အတူတိုင်ပင်ဆွေးနွေးပြီး ညှိနှိုင်းရမယ်..အရင်လိုမနေရတော့ဘူး...ခုကစသမီးက အိမ်ထောင်ရှင်မတစ်ယောက် ဖြစ်နေပြီ ဒီအိမ်ဒီခြံမှာခဏတာလာနေမယ့် ဧည့်သည်မဟုတ်တော့ဘူး..အိမ်ရှင်မဖြစ်နေတော့ အစစအရာရာထိန်းသိမ်းပြုပြင်ရမယ်..အဖေပြောတာ ကြားလား.."
" ဟုတ်ကဲ့.. "
" အေးပါ..ကျန်တာတော့ မှာစရာထွေထွေထူးထူးမရှိပါဘူး အချင်းချင်းညှိနှိုင်းပြီး ဘယ်အခက်ခဲမဆိုအတူဖြေရှင်းဖို့ပဲ လိုတယ်..တစ်ယောက်ထဲရှင်းဆိုပြီး တစ်ယောက်ထဲခေါင်းပေါ်မှာပဲ ပုံမထားရဘူး..နှစ်ကိုယ့်တစ်စိတ်ဖြစ်ဖို့ပဲလိုတယ်..ကျန်တာသူ့အလိုလို ဖြစ်သွားလိမ့်မယ် "
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...