မေတ္တနီတိ
🌼pann
Part (32)
မေပျို တံခါးဝမှာရပ်ပြီးအဖေ့ကိုကြည့်ကာ မျက်ရည်ကျမိသည်..။
အဖေက ဒီသမီးအတွက်ဒူးထောက်ပြီး ကျေးဇူးတင်သတဲ့..။
အဖေရောက်လာတဲ့ချိန်အဖေ့ကို သစ်ပင်အောက်ကနေမြင်လိုက်ပါတယ်..အိမ်ဘက်ပြန်သွားရမလား မသွားရမလား နဲ့ အတွေးတွေရှုပ်နေခဲ့တာ ။
အဖေ့ကိုရင်မဆိုင်ရဲလို့ ထွက်ပြေးရှောင်ချင်ပေမယ့် မဖြစ်သေးဘူးလေ..ဘယ်လိုဖြစ်ဖြစ် ဆုံရမှာပဲဆိုတော့ ။
ကြောက်ပေမယ့် ကိုယ့်စိတ်ကိုယ်အားပေးရင်း အိမ်ဘက်ပြန်လာခဲ့လိုက်မှ အဖေနဲ့လူကြီးတို့စကားပြောသမျှတွေ ကြားရတဲ့ပြင် အဖေဒူးထောက်လိုက်တာပါ မြင်လိုက်ရသည်..။
လိုအပ်လို့လား အဖေ..။
အဲ့လောက်ထိ လိုအပ်လို့လား.. ။
ဖအေတစ်ယောက်လုံးရဲ့ ဒူးထောက်နေတဲ့ပုံကိုမြင်ရတဲ့သားသမီးစိတ်ထဲမှာ ကောင်းနေနိုင်သေးရိုးလား..။
နေရာမှာတင်ကြက်သေသေသလို ငူငိုင်ငိုင်ကြီးရပ်နေမိရင်း မျက်ရည်တွေပဲဝဲလာမိသည်..။
မေပျိုကြောင့် ဖြစ်ရတာ..။
ဒါတွေက မေပျိုကြောင့်ဖြစ်လာရတဲ့အကြောင်းတွေချည်း..။
မေပျိုသာ လိမ်လိမ်မာမာနေခဲ့ရင်..။
" ဟော..မေပျို အိမ်ထဲမဝင်လာဘဲ ဘာရပ်လုပ်နေတာလဲ.. လာလေ "
ကိုပေါက်စီကမေပျို့ကိုတွေ့ပြီးခေါ်တော့မှ အဖေနဲ့လူကြီးလည်း မေပျို့ကိုမြင်သွားသည်..။
မေပျိုအဖေနဲ့မျက်လုံးချင်းဆုံလိုက်မိတော့ ရှေ့ဆက်မတိုးရဲတော့..။
" ဟီရိ.. "
" ............ "
ဘာကြောင့်ရယ်လို့မှန်း အချိန်ပေးစဥ်းစားနေဖို့အချိန်မပေးတော့ဘဲ မေပျိုအိမ်ထဲမဝင်ဘဲ လှည့်ပြန်ထွက်ခဲ့လိုက်သည်..။
" ဟီရိ..ဟီရိ "
အဖေလိုက်လာပုံရသည်..အသံက မေပျို့နောက်ကျောနဲ့မဝေးနေ ။
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...