မေတ္တနီတိ
🌼pann
Part (29)
ညနေဆောင်းတော့ မေပျို နိုးလာသည်..။
" အား..ကျွတ် ကျွတ်.. "
နိုးနိုးချင်း အရင်သိရတာက မေပျို့ခေါင်းတွေခဲအုံပြီး ကိုက်နေသည်..။
ခေါင်းကိုလက်နဲ့ဖိကိုင်ထားပြီး ထထိုင်လိုက်သည်နဲ့ ထပ်ပြီးခေါင်းထဲရောက်လာပြန်တဲ့အကြောင်းက ကျော်စောတို့နဲ့ပတ်သက်ပြီး..။
" ဟင်.. "
မေပျို လန့်ပြီးကိုယ့်ပတ်ဝန်းကျင်ကို ပတ်ပတ်လည်ကြည့်လိုက်မိသည်..။
အခန်းကမေပျိုနဲ့မစိမ်းသက်တဲ့အခန်းမို့ စိတ်ချမိပြန်ပေမယ့်..
အရင်လိုမေပျို့စိတ်တွေ မလန်းတော့..။
စိတ်ထဲ တင်းခံနေပြီး ရယ်မရငိုမရဖြစ်နေသည်..။
မနက်ကကြုံတွေ့ခဲ့တဲ့အကြောင်းရာနဲပတ်သက်ပြီးလည်း မေပျို့မှာမေ့ပျောက်ချင်လို့ဖျက်ပစ်ဖို့ကြိုးစားလည်း အရာမထင်..။
အရာအားလုံး ကွက်ကွက်ထင်းထင်းသာ..။
မေ့ဖျောက်ဖို့ မေပျို ဘာနဲ့ဖျက်ရမလဲ..။
ဘာနဲ့ဖျက်လို့ရမလဲ..။
" နိုးပြီလား.. "
လူကြီးက တံခါးကိုဖွင့်ပြီး တံခါးဝမှာပဲရပ်ကာမေးနေတာ..အထဲကိုတော့မဝင်လာ ။
ဘာလဲ..မေပျို့ကို ရွံသွားလို့လား ။
" ငါကမင်းမနိုးသေးဘူးထင်လို့ လာကြည့်တာ..နိုးပြီဆိုရင်လည်း အဝတ်စားလေးအရင်လဲလိုက်အုံး"
ဒါလေးပဲပြောပြီး တံခါးပြန်ပိတ်ပေးခဲ့ပြန်သည်..။
မေပျို့စိတ်ထဲ ဝမ်းနည်းပျို့တက်လာသည်..။
တစ်ခါမှဒီလောက်ထိဝမ်းမနည်းခဲ့ဖူးဘူးထင်ပါတယ်..ရင်ထဲမှာတော့ သိမ်ငယ်စိတ်တွေတော်တော်ပြည့်ညပ်နေပြီ ။
ဖျောက်မရ..ချေမရ..လွှတ်ပစ်မရတဲ့ထဲ ခံစားချက်တွေလည်း ပါလောက်မယ်ထင်ပါတယ်..။
ကိုယ်ကိုယ်တိုင်ကလည်းအမှားတွေလုပ်လာတာမို့ ဘယ်သူ့ကိုမှ ပြန်အာမခံရဲ..ဘယ်သူနဲ့မှလည်း စကားရဲရဲမပြောရဲ ။
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...
