မေတ္တနီတိ
🌸pann
Part (20)
မေပျိုတို့ ထွက်လာတော့ အဖေကအိမ်ရှေ့ထိတောင်ထွက်မရပ်လာ..။
အဖေဖြစ်သူက သမီးထွက်သွားတဲ့ကျောပြင်ကိုမငေးကြည့်နိုင်လို့ တာ့တာပြပြီးနှုတ်မဆက်ပြနိုင်လို့ အိမ်ထဲကနေပဲလှမ်းကြည့်ပြီးမျက်ရည်ကျနေတာတော့ မေပျိုမသိခဲ့လိုက်..။
သိမှာလည်းမဟုတ်ပါဘူး..။
အဖေ ပြန်မပြောပြရင်ပေါ့လေ..။
ငှားလာတဲ့တက္ကစီပေါ်မတက်ခင် မေပျိုတွေ့လိုက်ရတဲ့သူနှစ်ယောက်က ဉာဏ်ထက်နဲ့နိုင်ဝင်း..။
နှစ်ယောက်သားက တစ်ယောက်တစ်နေရာစီမှာပါ..ဉာဏ်ထက်က တစ်ဖက်လမ်းကနေသူ့သူငယ်ချင်းတွေနဲ့အတူ လမ်းလျှောက်လာနေတာ ။
မေပျို့ကိုတွေ့တော့ မေပျိုနဲ့ဘေးမှာရပ်နေတဲ့ဟိုလူကြီးကို ရပ်ပြီးလှမ်းကြည့်နေတာ..။
နိုင်ဝင်းကတော့ တစ်ဖက်လမ်းထောင့်မှာရပ်ကြည့်နေတာ..မျက်မှောင်ကျုံ့နေတာလည်းအသိသာကြီး ။
သူကမေပျိုတို့ဆီလာမယ်လုပ်တော့ မေပျိုခေါင်းရမ်းပြကာ ကားထဲပဲမြန်မြန်ဝင်ထိုင်လိုက်သည်..။
အဲ့လူကြီးကလည်း မေပျို့ဘေးဝင်မထိုင်..ရှေ့မှာဝင်ထိုင်တာ ။
အဲ့ကနေ ကားဂိတ်နားထိရောက်လာတာ..။
ကားဂိတ်ရောက်တဲ့ထိမေပျို့စိတ်တွေ တည်ငြိမ်နေခဲ့သေးပါတယ်..။
" အစ်ကို့.. "
မေပျိုတို့နားရောက်လာတဲ့ ကောင်လေးနဲ့ကောင်မလေး..။
" ရောက်နေကြပြီလား.."
" ဟုတ်ကဲ့..ကားထွက်တော့မယ်ပြောတယ်..ကျွန်တော်ကအစ်ကိုတို့နောက်ကျမှာစိုးရိမ်နေတာ..ဖုန်းဆက်တော့လည်းအစ်ကိုကမကိုင်လို့ "
" ဆောရီး မကြားလိုက်လို့.. ရောက်လာပြီပဲဟာ ကားပေါ်တက်ကြတာပေါ့ "
" ဟုတ်ကဲ့.. "
သူတို့ကအဲ့သက္ကဆိုတဲ့သူကြီးနဲ့ စကားပြောရင်း ရှေ့ကနေသွားနေကြသည်..။
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...