မေတ္တနီတိ
🌸pann
Part (18)
မေပျိုနဲ့နိုင်ဝင်း အတူလက်ချင်းယှက်ကိုင်ပြီးလမ်းလျှောက်နေတာ..ဒီနေ့နှစ်ယောက်အတူလျှောက်လည်နေကြတာ ။
လည်ပြီးလို့အပြန်လမ်းတစ်နေရာရောက်တော့..
" ဟျောင့်..မင်း ဘာကြည့်နေတာလဲ "
နှစ်ယောက်အတူစကားပြောနေရင်းနဲ့ နိုင်ဝင်းကတစ်ဖက်ကိုလှမ်းအော်လိုက်တော့ လန့်လည်းလန့်.. တစ်ဖက်ကိုလည်းကြည့်မိသည်..။
တစ်ဖက်မှာကလည်း ဆိုက်ကားနင်းတဲ့သူတွေပဲရှိတာပါ..သူဘယ်သူ့ကိုအော်နေတာလဲ ။
" မင်းကိုမေးနေတာလေ..ဘာကြည့်နေတာလဲ မင်းက.."
" ဂျစ်..ခြစ်..ဂျက်.."
ဆိုက်ကားပေါ်မှာထိုင်နေတဲ့လူကိုသွားပြီး တွန်းထုတ်တော့ ဟိုကအရှိန်နဲ့ဘေးဘက်ကိုလဲကျသွားသည်..။
တော်သေးတယ်.. နောက်ပြန်ပက်လက်လဲမကျတာကံကောင်း ။
နောက်ပြန်လဲကျလို့ကတော့ နောက်ကသစ်ပင်ကိုပတ်ပြီးခုံဝိုင်းလုပ်ထားတဲ့ ထောင့်စွန်းနဲ့ရိုက်မိလောက်သည်..။
တွန်းခံရတဲ့တစ်ဖက်လူလည်း လန့်သွားသလိုဘေးကလူတွေလည်း အထိတ်တလန့်ဖြစ်သွားရသည်..။
မေပျိုလည်းလန့်သွားရတာပဲ..။
ရုတ်တရက်ကြီးလေ..မေပျိုနဲ့စကားပြောနေရင်းနဲ့ကို တစ်ဖက်သွားပြီးရန်စတာက ။
" တောက်..မင်းဘာကောင်လဲ "
" အိုး.. "
တစ်ဖက်ကလည်း ခဏအငိုက်မိလိုက်လို့ခံလိုက်ရပေမယ့် ဇ သေးမယ့်ပုံမပေါ်..တန်းထပြီး နိုင်ဝင်းရဲ့ရင်တောင်ဆွဲကိုင်သည် ။
နိုင်ဝင်းကလည်း အလျှော့မပေး..သူပါပြန်ပြီး တစ်ဖက်လူကို ရင်တောင်ဆွဲကိုင်ဆုပ်ထားပြန်သည် ။
ဘာတွေလဲ.. ဘာဖြစ်ကြတာလဲ ။
အရင်ထဲကရန်စလား..ခုမှစကြတာလား ။
မေပျိုမသိနေတော့ ဘာလုပ်လို့ဘာကိုင်ရမှန်းမသိ လက်လေးကားတားကားတားလေးနဲ့သာ လုပ်နေမိဆဲ..။
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...
