မေတ္တနီတိ
🌼pann
Part (36)
မေပျို လူကြီးရဲ့ကားလေးမြင်ကွင်းကနေပျောက်တဲ့ထိ ရပ်ကြည့်နေပြီးမှ ပြန်လှည့်လိုက်သည့်ချိန်ကျ နောက်မှာရှိနေတဲ့လူကို မြင်လိုက်တော့လန့်အော်သွားမိသည်..။
" အမေ့... "
မေပျိုလန့်သွားသလို တစ်ဖက်ကလူလည်း မေပျို့အသံကြောင့် သူပါလန့်ပြန်သည်..။
" အမလေး..လန့်လိုက်တာ "
မေပျိုလည်း လန့်အော်မိပြီးမှ တစ်ဖက်လူကိုပြန်အားနာရသည်..။
" ဟို..တောင်းပန်ပါတယ်နော် မေပျိုလန့်သွားလို့"
မေပျိုတောင်းပန်ပေမယ့် တစ်ဖက်ကဘာမှမပြော..မေပျို့ကိုစိုက်ကြည့်နေတာ ။
မေပျို့အသံကြောင့် လန့်သွားရင်တောင် အသိစိတ်တွေဘာတွေထိ လွင့်သွားဖို့ထိတော့မဖြစ်နိုင်ပါဘူး..။
ဘာကြောင့် မေပျို့ကိုအဲ့လိုကြီးစိုက်ကြည့်နေရတာလဲ..။
" ဒီမှာ..ဒီမှာရှင့် "
မေပျို မျက်နှာကိုရှေ့တိုးရင်း ခေါ်လိုက်တော့မှ..
" ဗျာ..ခင်ဗျာ "
" တော်တော်လန့်သွားတာနေမယ်..မေပျို တောင်းပန်ပါတယ်နော် မေပျိုလည်းဒီကမေပျို့နောက်မှာ တွေ့လိုက်လို့လန့်အော်မိသွားတာ.."
" ကျွန်တော် ဒီကနောက်မှာတမင်တကာကြီးရပ်နေတာမဟုတ်ဘူးဗျ..ကျွန်တော့်ဘာသာကျွန်တော် ကျောင်းပေါက်ဝသွားမလို့ပါ ဒီကလမ်းမှာပိတ်နေတော့ ရှောင်မလို့ရှိသေး.. အဲ့ဘက်ကလန့်လာပြီး အော်တာလေ "
" မေပျိုလည်း မေပျို့နောက်လိုက်နေတယ်လို့မပြောပါဘူး..မေပျို့နောက်မှာ ရုတ်တရက်ကြီး တွေ့လိုက်လို့ လန့်သွားတယ်ဆိုတဲ့သဘောမျိုးပြောချင်တာပါ..အဲ့ဒါကြောင့် လန့်အော်မိသွားတာ..မေပျိုကပဲ တောင်းပန်ပါတယ် ခွင့်ပြုပါအုံး.."
" အ.. "
ကျွန်တော့်မှာစကားတောင် ရှေ့မဆက်လိုက်ရ..ကောင်မလေးက ခေါင်းလေးငုံ့ပြပြီးလူကိုရှောင်ထွက်သွားသည် ။
YOU ARE READING
မေတ္တ နီတိ (Unicode )
Random" ကျောင်းဆရာရဲ့သားသမီးဖြစ်တာနဲ့ပဲ စံပြတစ်ယောက်ပါလိုက်ဖြစ်ပေးရမှာလား..သူများလုပ်သလိုနေသလို နေလို့မရဘူးလား..အဆင့်ကောင်းမှ လိမ္မာရေးခြားရှိမှ ပေါင်းသင်းဆက်ဆံရေးကောင်းမှ ဟိုဟာမလုပ်ရဘူးဒီဟာမလုပ်ရဘူးနဲ့ ဒါတွေပဲထပ်ခါထပ်ခါကြားနေရတာ ကြာတော့ကိုယ့်ဘဝကိုယ်ငြီးင...